Герб Расеі

Герб Расеі — адзін з галоўных дзяржаўных сымбаляў Расеі, нараўне са сьцягам і гімнам.

Герб Расеі

Герб Расейскай Фэдэрацыі

Герб Расейскай Фэдэрацыі з 25 сьнежня 1991 па 21 красавіка 1992 году

Пасьля пераназваньня РСФСР у Расейскую Фэдэрацыю 25 сьнежня 1991 году працягваў выкарыстоўвацца стары герб.

21 красавіка 1992 году надпіс «РСФСР» быў зьменены на «Расейская Фэдэрацыя».^[1]

Герб Расейскай фэдэрацыі быў зьменены ўказам прэзыдэнта 30 лістапада 1993 году. Ён засноўваецца на гербе Расейскай імпэрыі і мае прызначэньне замяніць сабой герб РСФСР пасьля распаду СССР.

У цэнтры намаляваны вершнік, які забівае дзідай цмока^[2].

Тры кароны ўвасабляюць сувэрэнітэт як усёй Расейскай Фэдэрацыі, так і яе частак, суб’ектаў фэдэрацыі. Скіпэтар зь дзяржавай, якія дзьвюхгаловы арол трымае ў лапах, сымбалізуюць дзяржаўную ўладу і адзіную дзяржаву^[3].

Герб зацьверджаны фэдэральным канстытуцыйным законам «Аб Дзяржаўным гербе Расейскай Фэдэрацыі» ў 2000 годзе. Закон дапушчае ўзнаўленьне гербу без геральдычнага шчыта ў выглядзе аднаго дзьвюхгаловага арла, а таксама ў аднакаляровым варыянце.

Дадатковыя зьвесткі

Скіпэтар, які арол трымае ў правай лапе, увянчаны невялікім дзьвюхгаловым арлом, які, у сваю чаргу, таксама трымае скіпэтар і г. д. да бясконцасьці. Дзьвюхгаловы арол прыйшоў у Масковію з Бізантыі, дзе ён сымбалізаваў адзінства імпэратара і патрыярха.

Галерэя гербаў Расеі

• 
  XV стагодзьдзе
• 
  сярэдзіна XVI стагодзьдзя
• 
  1620-я — 1690-я гады
• 
  1 чвэрць XVIII стагодзьдзя
• 
  1883—1917 гг.
  (вялікі герб)
• 
  1917 г.
• 
  1920—1978 гг.
• 
  1978—1992 гг.
• 
  Герб з 1993 г.

Глядзіце таксама

• Дзьвюхгаловы арол
• Герб Расейскай імпэрыі
• Гісторыя гербу Расеі
• Дзяржаўныя сымбалі Расеі
• Галерэя дзяржаўных гербаў з выявай арла