Герб Ружанаў

Герб Ружанаў — геральдычны сымбаль Ружанаў, нададзены месту вялікім князем літоўскім Уладзіславам Вазам 20 чэрвеня 1637: «у срэбным полі вянок чырвоных ружаў, у цэнтры якога постаць сьвятога Казімера з крыжам і лілеяй у руках»^[1]. Першапачаткова герб меў й іншыя дэталі: выяву рыцарскага шалому (сымбаль мужнасьці Сапегаў) і каралеўскае кароны (сымбаля годнасьці адзінага манаршага дому Кароны і Вялікага Княства Літоўскага)^[2].

Герб Ружанаў

У сучаснай Беларусі афіцыйны статус атрымаў 14 чэрвеня 2007^[3]. У гербавым матрыкуле краіны значыцца пад №23.

Афіцыйнае апісаньне:

У срэбным полі барокавай тарчы ў вянку з ружаў Сьвяты Казімер з крыжом і лілеяй у руках. Арыгінальны тэкст  (рас.) В серебряном поле барочного щита в венке из роз Святой Казимир с крестом и лилией в руках.