Горм Стары

Горм Стары (па-дацку: Gorm den Gamle‎, па-старажытнанарвэску: Gormr gamli, па-лацінску: Gormus Senex^[2][3]) — кароль Даніі ў к. 936 — к. 958 роках^[4] ці каля таго^[5][6]. Сядзеў у Елінгу, дзе стварыў найстарэйшыя з рунных камянёў у гонар сваёй жонкі Тыры.

Горм Стары
Асабістыя зьвесткі
Нарадзіўся	IX стагодзьдзе
Памёр	964[1], невядомы[d]
Пахаваны	Данія
Нашчадкі	Гаральд Сінязубы, Кнуд Данаст[d], Гунхільда Маці Каралёў[d], Токе Гормсэн[d] і Струт-Гаральд[d]
Дынастыя	Кнютлінгі[d]
Сужэнец	Тыра Данэбад[d]
Бацька	Кнуд I Гардэкнуд

Жыцьцяпіс

Горм лічыцца сынам паўлегендарнага дацкага караля Гардэкнуда, узышоў на дацкі сталец па сьмерці бацькі. Упершыню Горм згаданы пад 936 рокам. «Кола Зямное» паведамляе, што ён адваяваў частку Даніі ў Гнупы.

Горм узяў у жонкі Тыру, нарыў у ейны гонар у Елінгу адзін з курганоў і паставіў адзін з найстарэйшых камянёў, назваўшы яе tanmarkar but («Збавіцельніца Даніі» або «Ўпрыгажэньне Даніі»). Зь ёй меў трох сыноў: Токе, Кнута і Гаральда, будучага караля Гаральда Сінязубага^[7].

Паводле адных зьвестак, памёр зімою 958—959 рокаў^[7].