Гарэт Бэйл

Гарэт Фрэнк Бэйл (па-ангельску: Gareth Frank Bale; нар. 16 ліпеня 1989 году, Кардыф, Ўэйлз) — былы валійскі футбаліст, паўабаронца. Выступаў у складзе нацыянальнай зборнай Валіі. Сусьветную вядомасьць Гарэт атрымаў выступаючы за ангельскі клюб «Тотэнгэм Готспур». Асабліва пасьпяховым сэзонам у лёнданскім клюбе быў сэзон 2012—2013 гадоў, калі Гарэт быў абраны найлепшым гульцом Прэм’ер-Лігі. 1 верасьня 2013 году Гарэт пасьля доўгіх перамоваў далучыўся да складу гішпанскага гранду «Рэал» за неназваную суму, але, як некаторыя лічаць, гішпанскі клюб выклаў рэкордную суму за гульца^[5].

Гарэт Бэйл
Пэрсанальная інфармацыя
Нарадзіўся	16 ліпеня 1989(1989-07-16)[1][2][3] (36 гадоў) Кардыф, Валія, Вялікабрытанія
Рост	185 см[4]
Вага	82 кг[4]
Пазыцыя	флянгавы паўабаронца
Клюбы
Гады	Клюб	Гульні (галы)¹
2006—2007	Саўтгэмптан	40 (5)
2007—2013	Тотэнгэм Готспур	146 (42)
2013—2022	Рэал Мадрыд	176 (81)
2020—2021	→ Тотэнгэм Готспур	20 (11)
2022	Лос-Анджэлес	12 (2)
Зборныя
2005	Ўэйлз (да 19)[d]	1 (0)
2005—2006	Ўэйлз (да 17)[d]	7 (1)
2006—2008	Ўэйлз (да 21)[d]	4 (2)
2006—2022	Ўэйлз	111 (41)

Кар’ера

Клюбная

Гарэт Бэйл нарадзіўся 16 ліпеня 1989 году ў Кардыфе. Яшчэ дзіцем ён вырашыў, што абавязкова стане футбалістам. Маленькі Гарэт Бэйл з зачараваньнем глядзеў футбольныя матчы й захапляўся наймацнейшымі футбалістамі сьвету. Ён увесь час уяўляў сябе на іхным месцы й марыў стаць такім жа вялікім гульцом.

Гарэт быў заўважаны скаўтамі «Саўтгэмптану» яшчэ ў дзевяцігадовым узросьце, і затым пачаў трэнавацца ў адной з даччыных акадэміяў гэтага клюбу. Трэніроўкі прыносілі юнаку толькі задавальненьне — ён стараўся даказаць усім і сабе самому, што здольны дамагчыся вялікіх посьпехаў у футболе. У 16 гадоў Бэйл гуляў у зборнай школы для 18-гадовых і дапамог ёй выйграць Школьны кубак Кардыфу. У тым жа годзе ён атрымаў прэмію ад дэпартамэнту спорту Валіі. Тады ж яго хацеў набыць «Манчэстэр Юнайтэд», але прапанова манкуніянцаў было адхілена^[6].

1 верасьня 2013 году гішпанскі клюб «Рэал» абвесьціў, што яны дасягнулі пагадненьня аб трансфэры Бэйла^[7][8], падпісаўшы з гульцом шасьцігадовы кантракт. Як лічыцца, за гэтую зьдзелку «Тотэнгэм» атрымаў 77 млн фунтаў^[9] або нават за сусьветна рэкордную суму ў памеры 85,3 млн фунтаў^[10][11].

Міжнародная

У асноўную зборную стаў выклікацца ў 17 гадоў з мэтай замяніць Раяна Гігса, які на той час скончыў сваю міжнародную кар’еру. Дэбют юнага валійца адбыўся 27 траўня 2006 году, калі ён выйшаў на замену ў матчы са зборнай Трынідаду і Табага на 80-й хвіліне.

Дасягненьні

«Рэал»:

• Чэмпіён Гішпаніі: 2017, 2020, 2022
• Уладальнік Кубка Гішпаніі: 2014
• Уладальнік Супэркубка Гішпаніі: 2017
• Пераможца Лігі чэмпіёнаў: 2014, 2016, 2017, 2018, 2022
• Уладальнік Супэркубка Эўропы: 2014, 2017
• Пераможца клюбнага чэмпіянату сьвету: 2014, 2017, 2018

«Лос-Анджэлес»:

• Уладальнік Кубка МЛС: 2022
• Пераможца Сапортэрз Шылдс: 2022