Дабраном

«Дабраном» — гандлёвае прадпрыемства Беларусі, заснаванае ў лістападзе 2009 году пад назвай «Эўрагандаль-Партнэр».

«Дабраном»
Тып	закрытае акцыйнае таварыства
Заснаваная	9 лістапада 2009 (15 гадоў таму)
Уласьнікі	«Эўрагандаль»
Краіна	Беларусь
Разьмяшчэньне	Менск
Адрас	Ленінскі раён, мікрараён Лошыца, вул. Янкі Лучыны, д. 5
Галіна	сфэра паслугаў
Паслугі	гандаль харчаваньнем
Матчына кампанія	«Эўрагандаль»
dobronom.by

Займаецца продажам харчаваньня і прамысловых тавараў праз уласную гандлёвую сетку раздробных крамаў. Мае УНП 191178504. Ёсьць даччыным прадпрыемствам, набытым «Эўрагандлем».

Мінуўшчына

9 лістапада 2009 году «Эўрагандаль-Партнэр» заснавалі ў Маскоўскім раёне Менску па вуліцы Алібегава, д. 13, корп. 1 (мікрараён Паўднёвы Захад). 27 жніўня 2010 году прадпрыемства перамясьцілі ў Фрунзэнскі раён Менску на 3-і завулак Мантажнікаў, д. 3 каля Менскай цеплаэлектрацэнтралі-4. 15 красавіка 2011 год «Эўрагандаль-Партнэр» перайменавалі ў «Дабраном». 26 сакавіка 2018 году галаўную сядзібу перанесьлі ў Ленінскі раён Менску на вул. Янкі Лучыны, д. 5 (мікрараён Лошыца)^[1].

У кастрычніку 2022 году Гандлёвы рэестар Беларусі засьведчыў рост ліку сеткі «Дабраном» з пачатку году на 94 новыя крамы да 867. Таксама гандлёвай сетцы належалі крамы «Капеечка» і «Маяк». Пры гэтым «Дабраном» меў 2-ю паводле велічыні гандлёвую сетку ў Беларусі^[2]. Паводле вынікаў 2022 году суадносіны заробкаў працаўнікоў і кіраўніка ды ўладальніка «Дабранома» склалі 1 да 12. Гэта перавышала вызначаны ўрадам Беларусі ўзровень 1 да 8 для гандлёвых сетак^[3].