Дажынкі (фэст)

Рэспубліка́нскі фэстыва́ль-кірма́ш працаўнікоў вё́скі «Дажы́нкі» — штогадовы фэстываль працаўнікоў вёскі, які праводзіўся ў Беларусі з 1996 па 2014 гады. На фэстывалі праходзіла ўшаноўваньне лепшых працаўнікоў аграпрамысловага комплексу Беларусі. За ўсю гісторыю «Дажынак» фэстываль не праводзіўся толькі аднойчы: у 1999 годзе з-за невысокага ўраджаю.

Афіцыйную частку фэстывалю звычайна адкрывае шэсьце пачэсных гасьцей, дэлегацыяў абласьцей, творчых калектываў і іншых удзельнікаў.

Штогадова ствараецца адпаведны плян мерапрыемстваў па падрыхтоўцы да «Дажынак», паводле якога будуюцца новыя і рэканструююцца існуючыя аб’екты і камунікацыі, праводзіцца капітальны рэмонт і добраўпарадкаваньне гарадзкіх вуліцаў.

10 сакавіка 2014 году Прэзыдэнт Беларусі Аляксандар Лукашэнка прапанаваў больш не праводзіць рэспубліканскія дажынкі, а ўзнагароджваць аграрыяў непасрэдна ў раёнах на базе аграгарадкоў і ў абласьцях на базе райцэнтраў, за выключэньнем гарадоў абласнога падпарадкаваньня і тых, дзе ўжо праходзіў фэстываль-кірмаш^[1]. Ён таксама прапанаваў узнагароджваць найлепшых аграрыяў краіны не на рэспубліканскім фэсьце-кірмашы ў верасьні, а ў пачатку каляндарнага году ў Палацы незалежнасьці ў Менску^[2].

Месцы правядзеньня

• 1996 год — Столін
• 1997 год — Масты ^[3][4]
• 1998 год — Нясьвіж ^[5]
• 2000 год — Шклоў
• 2001 год — Мазыр ^[6]
• 2002 год — Полацак ^[7]
• 2003 год — Пружаны ^[8]
• 2004 год — Ваўкавыск ^[9]
• 2005 год — Слуцак ^[10]
• 2006 год — Бабруйск ^[11]
• 2007 год — Рэчыца ^[12]
• 2008 год — Ворша ^[13]
• 2009 год — Кобрынь ^[14]
• 2010 год — Ліда ^[15]
• 2011 год — Маладэчна ^[16]
• 2012 год — Горкі ^[17]
• 2013 год — Жлобін ^[18]
• 2014 год — Гарадок ^[19]