Палац незалежнасьці (Менск)

Пала́ц незале́жнасьці — палац у Менску (Беларусь) па праспэкце Пераможцаў.

Палац незалежнасьці
Іншыя назвы	Рэзыдэнцыя прэзыдэнта Рэспублікі Беларусь
Месцазнаходжаньне	Беларусь, Менск
Адрас	пр. Пераможцаў
Пачатак будаўніцтва	чэрвень 2011
Сканчэньне будаўніцтва	23 кастрычніка 2013
Дата адкрыцьця	24 кастрычніка 2013
Каардынаты	53°55′36″ пн. ш. 27°31′32″ у. д.
Палац незалежнасьці на мапе Беларусі Палац незалежнасьці

Пабудова

Праектаваньнем збудаваньня выступіла УП «Белпраект», а першыя рэндэры праекту зьявіліся разам з пачаткам будаўніцтва — у чэрвені 2011 году^[1].

Ад пачатку пабудова была абгароджаная і засакрэчаная, будоўля ахоўвалася міліцыяй, уваход на тэрыторыю зроблены толькі па прапускох. Гэта выклікала размаітыя чуткі кшталту тых, што будучы будынак стане новай рэзыдэнцыяй Лукашэнкі^[2]. Аляксандар Лукашэнка абверг іх, выказаўшы думку, што новае збудаваньне стане Палацам незалежнасьці^[3][4].

Тым ня меней, будынак усё-ткі будзе выкарыстоўвацца найперш кіраўніком дзяржавы: назва на фасадзе гучыць як «Палац незалежнасьці. Рэзыдэнцыя прэзыдэнта Рэспублікі Беларусь»^[3]. Пачаткова нават надпіс быў зроблены па-расейску^[5], аднак пасьля грамадзкага розгаласу літары давялося замяніць на беларускія. Гэта ўжо дванаццатае збудаваньне для прэзыдэнцкіх патрэбаў^[3].