Дамінік Міхал Слушка

Дамінік Міхал Слушка (каля 1655 — 31 студзеня 1713) — дзяржаўны і вайсковы дзяяч Вялікага Княства Літоўскага. Ваявода полацкі (з 1686 году); палкоўнік.

Дамінік Міхал Слушка

Герб «Астоя»
Асабістыя зьвесткі
Нарадзіўся	каля 1655
Памёр	31 студзеня 1713 Вільня, Вялікае Княства Літоўскае[1]
Пахаваны	Стоўпцы
Род	Слушкі
Бацькі	Багуслаў Юры Слушка Ганна з Патоцкіх
Жонка	Канстанцыя з Падбярэзскіх
Дзеці	Багдан, Яўстах, Багуслаў, Жыгімонт
Дзейнасьць	вайсковец

Трымаў Рэчыцкае, Сураскае і Барысаўскае староствы^[2].

Біяграфія

Палац Слушкаў

Прадстаўнік шляхецкага роду Слушкаў гербу «Астоя», сын Багуслава Юрыя, падскарбія дворнага літоўскага, і Ганны з Патоцкіх. Меў старэйшага брата Юзэфа Багуслава, разам зь якім зацята супрацьстаяў фракцыі Сапегаў^[3]. Быў адным з камандзіраў у бітве пад Алькенікамі^[4].

У 1690 годзе распачаў будаўніцтва палаца ў Вільні, вядомага як палац Слушкаў, паводле праекту італьянскіх мастакоў Мікелянджэлё Пальлёні і Джаваньні П’етра Пэрці (будаўніцтва вялося 10 гадоў)^[5]. У 1705 і 1709 у палацы гасьцяваў расейскі цар Пётар I^[6].

Быў маршалкам Галоўнага Трыбуналу ў 1681, 1690 і 1695 гадах.

Ажаніўся з Канстанцыяй, дачкой ваяводы смаленскага Рыгора Казімера Падбярэскага. У шлюбе меў сыноў Багдана, Яўстаха, Багуслава і Жыгімонта.