Дарота Маслоўска

Дарота Маслоўска (па-польску: Dorota Masłowska; нарадзілася 3 ліпеня 1983 году, Вэйгэрова) — польская пісьменьніца і журналістка.

Дарота Маслоўска
Асабістыя зьвесткі
Нарадзілася	3 ліпеня 1983(1983-07-03)[1][2][3] (42 гады) Вэйгерова[d], Паморскае ваяводзтва, Польшча
Літаратурная дзейнасьць
Род дзейнасьці	журналістка, пісьменьніца, сцэнарыстка, драматург, музыка, навэлістка, публіцыстка
Жанр	п’еса і гіп-гоп
Мова	польская мова[4] і ангельская
Узнагароды	Пашпарт Палітыкі[d] (2002) Ніке (2006) прэмія Самуэля Багуміла Ліндэ[d] (2020) Пашпарт Палітыкі[d] (2022)
Подпіс
Дарота Маслоўска ў Вікісховішчы

Жыцьцё і творчасьць

Дарота Маслоўска нарадзілася ў Вэйгэрове. Пачала вывучаць псыхалёгію ў Гданьскім унівэрсытэце, пасьля перавялася ў Варшаву, дзе вывучала культуралёгію.

Дарота Маслоўска — адна з найпапулярнейшых маладых пісьменьніц Польшчы. Ейны першы раман «Руска-польская вайна пад бела-чырвоным сьцягам» атрымаў самыя станоўчыя водгукі і амаль адразу стаў бэстсэлерам (было выдадзена больш за 120 тыс. асобнікаў).

«Вайна…», якая выйшла ў 2002 годзе, калі аўтарцы было 19, у рэкляме акрэсьленая як першы польскі гопніцкі раман, перакладзеная на мноства эўрапейскіх моваў.

У 2002—2004 гадах Дарота Маслоўска пісала фэльетоны для часопісу «Przekrój», а таксама рэцэнзіі на фільмы для «Wysokich Obcasów» (дадатку да «Gazety Wyborczej»).

Другі раман пісьменьніцы — «Каралеўскі паўлін» (2005) таксама быў добра ацэнены крытыкай. Раман уяўляе сабой рымаваную прозу, стылізаваную пад гіп-гоп. У цяперашні час рыхтуецца беларускі пераклад гэтага раману. Перакладчык — Серж Мінскевіч.

У 2006 годзе Дарота Маслоўска дэбютавала ў якасьці драматурга. Бачыць сьвет п’еса «Двое бедных румынаў, што размаўляюць па-польску».

Асноўныя творы

• Wojna polsko-ruska pod flagą biało-czerwoną (2002)
• Paw królowej (2006)
• Dwoje biednych Rumunów mówiących po polsku (2006)
• Między nami dobrze jest (2008)
• Kochanie, zabiłam nasze koty (2012)
• Dusza światowa (2013)
• Jak zostałam wiedźmą: opowieść autobiograficzna dla dorosłych i dzieci (2014)
• Więcej niż możesz zjeść: felietony parakulinarne (2015)
• Jak przejąć kontrolę nad światem, nie wychodząc z domu (2017)
• Inni ludzie (2018)
• Jak przejąć kontrolę nad światem 2 (2020)
• Bowie w Warszawie (2022)
• Mam tak samo jak ty (2023)
• Magiczna rana (2024)