Дарыюс Алару

Да́рыюс Ала́ру (па-румынску: Darius Olaru; нар. 3 сакавіка 1998 году) — румынскі футбаліст, паўабаронца і капітан клюбу «Сьцяўа» і нацыянальнай зборнай Румыніі.

Дарыюс Алару
Пэрсанальная інфармацыя
Нарадзіўся	3 сакавіка 1998(1998-03-03)[1] (27 гадоў) Мэдыяш[d], Сыбіў[d], Румынія
Рост	1,77 м
Пазыцыя	цэнтральны паўабаронца
Клюбная інфармацыя
Клюб	ФКСБ
Нумар	27
Клюбы
Гады	Клюб	Гульні (галы)¹
2015—2019	Газ Мэтан Мэдыяш	113 (11)
2020—4	ФКСБ	170 (39)
Зборныя
2019—2021	Румынія (да 21)[d]	17 (2)
2021—4	Румынія	26 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 19 ліпеня 2025.

Кар’ера

Клюбная

У дарослым футболе дэбютаваў у 2015 годзе, выступаючы за клюб «Газ Мэтан»^[2]. Напачатку 2018 году гулец быў блізкі да пераходу ў бухарэсцкую «Сьцяўу», але клюбы не далі рады ў перамовах між сабою. Увосень зьявілася інфармацыя аб перамовах наконт пераходу ў кіеўскае «Дынама»^[3], але і гэта скончылася анічым. 7 студзеня 2020 году футбаліст усё ж такі прыяднаўся да сталічнай «Сьцяўы», атрымаўшы кашулю з нумарам 27^[4]. 2 лютага Алару запачаткаваў выступы ў новай камандзе, зьявіўшыся на полі ў матчы супраць ЧФР, які скончыўся зь лікам 0:1 на карысьць суперніка. Праз чатыры дні гулец улучыў свой першы гол у колерах «Сьцяўы», пацэліўшы мяч у браму «Валунтару»^[5].

Міжнародная

Дэбютаваў у складзе нацыянальнай зборнай Румыніі 2 чэрвеня 2021 году ў таварыскім матчы супраць зборнай Грузіі. У адборачным турніры да чэмпіянату Эўропы 2024 году шэсьць разоў выходзіў на пляцоўку, але пераважна на зьмены партнэраў^[6].

Дасягненьні

Сьцяўа:

• Чэмпіён Румыніі: 2024, 2025
• Уладальнік Кубка Румыніі: 2020
• Уладальнік Супэркубка Румыніі: 2024