Джэймз Эрл Картэр

Джэймз Эрл Ка́ртэр (1 кастрычніка 1924 — 29 сьнежня 2024) — 39-ы прэзыдэнт ЗША (ад 1977 да 1981 году), губэрнатар штату Джорджыя (ад 1971 да 1975 году), прадстаўнік дэмакратычнай партыі ЗША. Быў жанаты з Разалін Картэр.

Джэймз Эрл Картэр
па-ангельску: Jimmy Carter
Прэзыдэнт ЗША
1977 — 1981
Папярэднік	Джэралд Рудалф Форд
Наступнік	Роналд Рэйган
Асабістыя зьвесткі
Нарадзіўся	1 кастрычніка 1924(1924-10-01)[1][2][3][…] Плейнс[d], акруга Самтэр[d], Джорджыя, ЗША[4]
Памёр	29 сьнежня 2024(2024-12-29)[5][6][7] (100 гадоў) Плейнс[d], акруга Самтэр[d], Джорджыя, ЗША[7]
Партыя	Дэмакратычная партыя
Адукацыя	Паўднёва-заходні дзяржаўны ўніверсітэт Джорджыі[d] Джарджыйскі тэхнічны ўнівэрсытэт[d] Вайскова-марская акадэмія ЗША[d] (1946) Юніян-каледж[d]
Сужэнец	Разалін Картэр[8]
Дзеці	Jack Carter[d], Amy Carter[d], James Earl Carter III[d][9] і Jeff Carter[d][9]
Бацька	James Earl Carter Sr.[d][9]
Маці	Lillian Gordy Carter[d][9]
Узнагароды	Нобэлеўская прэмія міру (2002)
Подпіс

Джымі Картэр

Унутраная палітыка

Пазыцыі Картэра былі пераважна лібэральна-дэмакратычнымі. Ён сьцьвярджаў, што можна скараціць беспрацоўе да 4,5 % і паменшыць інфляцыю да штогадовага роўня ў 4 %. Паабяцаў ґрунтоўна перагледзець фэдэральную падатковую сыстэму, якую назваў «ганьбай роду чалавечага». Заявіў, што паспрабуе ўвесьці адзіную фэдэральную сыстэму сацыяльнага забесьпячэньня і зьнізіць кошт лячэньня ў мэдыцынскіх стацыянарах. Картэр паабяцаў таксама поўную рэарґанізацыю фэдэральнага чыноўніцкага апарату і стварэньне «адкрытага ўрада». З самага пачатку прэзыдэнт наносіў візыты ў невялікія правінцыйныя месты, дзе праводзіў сустрэчы зь мясцовай грамадзкасьцю. Адказваў на пытаньні суграмадзян у радыёпраґраме «Спытай прэзыдэнта Картэра». Абвясьціў амністыю асобам, якія ўхіліліся ад прызыву на вайну ў Віетнаме, увёў двух жанчын у склад кабінэта (больш, чым хто-небудзь да яго), знайшоў адказныя палітычныя пасады для прадстаўнікоў нацыянальных меншасьцяў.

Прэзыдэнцтва Картэра прыйшлося на «ўзьлёт цэнаў на нафту». На гэтым фоне беспрацоўе і інфляцыя былі высокія як ніколі, да 1979 году ЗША апынуліся на мяжы эканамічнай катастрофы.