Дзед-Барадзед

Дзед-Барадзе́д — лялька-вядоўца ў «Калыханцы» на Беларускім тэлебачаньні. Зьявіўся ў этэры ў 1985^[1] ці 1987^[2] годзе «Калыханкі», напачатку расказваў казкі сам, без мультфільмаў.

Лялькаю кіравалі тры акторы: адзін тузаў за ручкі, другі — за ножкі, а трэці кіраваў мімікай.

Асыстэнт рэжысэра Іван Беладубенка пісаў тэксты для лялькі. Пасьля звальненьня Беладубенкі займацца Дзедам ніхто больш не захацеў, і ляльку паклалі ў рэквізытарскую. Празь нейкі час яна дзіўным чынам зьнікла.