Дзьмітры Велісевіч

Дзьмі́тры Андрэевіч Велісе́віч (нар. 9 лютага 1995 году) — беларускі футбаліст, паўабаронца гомельскага «Паперпраму».

Дзьмітры Велісевіч
Пэрсанальная інфармацыя
Нарадзіўся	9 лютага 1995(1995-02-09)[1] (30 гадоў) Менск, Беларусь[2]
Рост	177 см
Вага	70 кг[1]
Пазыцыя	паўабаронца
Клюбная інфармацыя
Клюб	Паперпрам
Нумар	95
Клюбы
Гады	Клюб	Гульні (галы)¹
2013—2014	Партызан Менск	21 (0)
2014	Маладэчна-2018	9 (0)
2015—2020	Ашмяны-БДУФК	143 (8)
2021—2023	Белшына	61 (2)
2024—4	Паперпрам	44 (5)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

З 2013 году пачаў выступаць у Другой лізе за адроджаны менскі «Партызан». У сярэдзіне 2014 году, пасьля таго як менскі клюб зьняўся з Другой лігі, перайшоў у «Маладэчна-2013»^[3], а з 2015 году выступаў за «Ашмяны-БДУФК», дзе быў адным з асноўных гульцоў. У 2016 і 2020 гадах выступаў за ашмянскую каманду ў Першай лізе.

З пачатку 2021 году трэнаваўся з бабруйскай «Белшынай» і ў лютым склаў дамову з клюбам^[4]. У 2021 годзе гуляў пераважна ў пачатковым складзе каманды і дапамог «Белшыне» паводле вынікаў сэзону 2021 году прасунуцца ў Найвышэйшую лігу. У лютым 2022 году падоўжыў пагадненьне з бабруйчанамі^[5]. 20 сакавіка 2022 году дэбютаваў у Найвышэйшай лізе ў матчы першага тура супраць магілёўскага «Дняпра» (0:0), калі выйшаў у першай адзінаццатцы і быў заменены ў другім тайме.

У лютым 2024 году пакінуў «Белшыну»^[6], а ў сакавіку стаў гульцом гомельскага «Паперпраму»^[7].