Дзьмітры Самуэль Палубінскі

Дзьмітры Самуэль Палубінскі (? — 8 жніўня 1687) — дзяржаўны дзяяч Вялікага Княства Літоўскага. Ваявода наваградзкі (з 1670).

Дзьмітры Самуэль Палубінскі

Ястрабец[1]
Герб «Палубінскі»
Асабістыя зьвесткі
Нарадзіўся	1615
Памёр	8 жніўня 1687
Род	Палубінскія
Бацькі	Міхал Палубінскі Альжбета з Корсакаў
Жонка	Канстанцыя з Стадніцкіх Петранэла з Тышкевічаў
Дзеці	Канстанцыя, Рэмігіян, Гіляры, Міхал, Флярыяна, Антоні, Соф’я, Ганна, Соф’я, Ганна, Альжбета, Яна, Лявон Казімер, Эўфрасіньня, Пётар

Біяграфія

З княскага роду Палубінскіх гербу ўласнага, сын Міхала, слонімскага земскага судзьдзі, і Альжбеты з Корсакаў.

Займаў пасады слонімскага падчашага ў 1640—1659, харужага ў 1659—1660, маршалка ў 1660—1670. Абіраўся паслом на соймы 1632, 1667 і 1679, быў дэпутатам Галоўнага Трыбуналу ў 1655. Удзельнічаў у Трынаццацігадовай вайне (1654—1667)^[2]

Першы раз ажаніўся з Канстанцыяй Стадніцкай, другі — зь Петранэлай, дачкой кашталяна смаленскага Пятра Тышкевіча. З гэтых двух шлюбаў меў шмат дзяцей, сярод якіх найбольшую вядомасьць атрымаў Лявон Казімер, цівун цьверскі.