Дракула (фільм, 1920)

«Дракула» — нямы фільм жахаў. Першая ў сьвеце экранізацыя аднайменнага раману Брэма Стокера^[a].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дракула.

Дракула

Доўгі час існавалі толькі згадкі пра фільм у архівах Дзяржфільмафонду і прыватнай перапісцы дзеячаў кінаіндустрыі пачатку XX ст., якія толькі сьведчылі пра існаваньне некалі фільму пад назвай «Дракула», які быў зьняты ў 1920 годзе ў Крыме на Ялцінскай кінастудыі, на тэрыторыі, якая знаходзілася тады пад кантролем белай арміі.

У расейскім друку пра фільм упершыню згадана ў перакладной кнізе Дж. Гордана Мэлтана «Энцыкляпэдыя вампіраў». Аўтар адзначае, што экранізацыя не была ўзгоднена з нашчадкамі Стокера і па сутнасьці зьяўлялася «пірацкай»^[1]. Таксама фільм згадвае ў асабістым лісьце кіназнаўца і захавальнік Дзяржфільмафонду Георгі Авенарыюс.