Дракула (фільм, 1921)

Дракула ці Сьмерць Дракулы (па-вугорску: Drakula halála) — вугорскі нямы фільм рэжысэра Караля Лайтхаі (1885—1945), зьняты ў 1921 годзе. Ролю Дракулы выканаў аўстрыйскі актор Паўль Асконас, гераіню, Мэры Лэнд, іграла Маргіт Люкс. У якасьці выканаўцы галоўнай ролі некаторыя крыніцы ўказваюць на сэрбскую акторку Лену Міл, але на ўсіх захаваўшыхся кадрах зь фільму паказана Маргіт Люкс. Часам датай выпуску фільму лічыцца 1923 год, бо ў гэтым годзе адбылася яго прэм’ера ў Вугоршчыне.

Дракула / Сьмерць Дракулы
Drakula halála
Жанр	фільм жахаў
Рэжысэр	Караль Лайтхаі
Сцэнарыст	Майкл Кэртыз[d] Károly Lajthay[d][1]
Заснаваны на	Дракула
У ролях	Паўль Асконас, Маргіт Люкс, Карл Гётц
Апэратар	Эдўард Хёш, Лаяш Гасэр
Дата выхаду	1921
Працягласьць	65 хвіліна
Краіна	Вугоршчына
Мова	вугорская мова
Старонка на IMDb

На цяперашні момант фільм лічыцца згубленым: захаваліся толькі некалькі кадраў. У 1924 годзе на аснове фільму Лаяш Панчэль выдаў аповесьць, па якой можа скласьці ўяўленьне пра зьмесьціва фільму^[2].