Дымаўшчына (заказьнік)

Дымаўшчына — арніталягічны заказьнік мясцовага значэньня, які знаходзіцца на поўнач ад аднайменнай вёскі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дымаўшчына (значэньні).

Дымаўшчына
Плошча	150 га (1979) 157,83 га (2012)
Краіна	Беларусь
Геаграфічныя каардынаты	55°00′12″ пн. ш. 30°04′28″ у. д.
Месцазнаходжаньне	Віцебскі раён
Утварэньне	1979
Дымаўшчына на мапе Беларусі Дымаўшчына

Апісаньне

Створаны плошчай 150 га ў 1979 годзе для аховы ўнікальных згуртаваньняў птушак на зарослых тарфяных кар’ерах на месцы верхавога балота. Рашэньнем Віцебскага райвыканкаму № 667 ад 30.05.2012 году пераўтвораны. Плошча 157,83 га^[1].

Фаўна

На тэрыторыі заказьніка гняздуецца 61 від птушак, у тым ліку прамысловыя (вадаплаўныя, кулікі), ахоўныя і рэдкія (пустальга звычайная (Falco tinnunculus), дзербнік (Falco columbarius), вялікі бугай (Botaurus stellaris), рэмез звычайны (Remiz pendulinus), чайкі малая (Larus minutus) і шызая (Larus canus) і інш.), агульнай колькасьцю каля 1,5 тысячаў параў.