Дыя

Дыя (па-чэску: Dyje, па-нямецку: Thaya) — рака ў Аўстрыі й Чэхіі, правы прыток Моравы. Цячэ з захаду на ўсход уздоўж мяжы Чэхіі й Аўстрыі. Мае даўжыню 235,4 км. Плошча басэйну складае 13 419 км², сьцёк — 43,9 м³/с. Выток ракі ўтвараюць рэкі Мораўска-Дыя й Дойчэ-Тая каля Рабсу. У сярэднім цячэньні ўтварае глыбокую даліну, са схіламі да 100 мэтраў. Такі рэльеф дазваляў будаваць уздоўж даліны ракі добра абароненыя месцы. З тых часоў на берагах ракі захавалася шмат замкаў. У рэчышчы ракі пабудаваны дзьве дамбы. Таксама ў даліне ракі створана шмат нацыянальных паркаў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дыя (неадназначнасьць).

Рака

Дыя
Dyje
Зьліцьцё Дыі й Моравы
Агульныя зьвесткі
Выток	каля Рабсу
Вышыня вытоку	410 м
Вусьце	Морава
Краіны басэйну	Аўстрыя, Чэхія
Вобласьці	Знойменская акруга, раён Брно-прыгарад[d] і Бржэцлаў[d]
Даўжыня	235,4 км
Сярэднегадавы сьцёк	43,9 м³/с
Плошча басэйну	13 419 км²
Месцазнаходжаньне
Асноўныя прытокі
Левыя	Іглава
Галерэя здымкаў у Вікісховішчы

Паходжаньне назвы

Назва ракі, верагодна, узыходзіць у дакельцкі пэрыяд. Індаэўрапейскі корань -dheu- азначе цячы, у рымскі пэрыяд назва сказілася да dujas (Дуяс). Славяне ўпершыню пачалі выкарыстоўваць назву Dyja (Дыя), утвораную ад Дуяс у VII, VIII стагодзьдзях. Ва ўсходняй Аўстрыі ў XI стагодзьдзі выкарыстоўвалі скажоную назву Taja (Тая). Згодна з чэскай хронікай 1082 року назву Дыя выкарыстоўвалі ў асноўным толькі славяне, іншыя народы карысталіся назвай Тая.

Вялікія месцы на раце

• Рабс-ан-дэр-Тая
• Уранаў над Дыяй
• Знойма
• Ледніцы
• Бржэцлаў

Галерэя

• 
  Памежны мост над Дыяй
• 
  Дыя ў Бржэцлаве
• 
  Дыя ў нацыянальным парку
• 
  Паводка ў Знойме (2006)

Вонкавыя спасылкі

Дыя — сховішча мультымэдыйных матэрыялаў

• Vodácká kilometráž Dyje (чэс.)