Дэрык Ўайт

Дэрык Ўайт (па-ангельску: Derrick White; нар. 2 ліпеня 1994 году) — амэрыканскі баскетбаліст клюбу «Бостан Сэлтыкс» з НБА. У складзе зборнай ЗША рабіўся алімпійскім чэмпіёнам 2024 году.

Дэрык Ўайт
Пазыцыя:	гульнёвы абаронца
Рост:	196 см
Вага:	91 кг
Грамадзянства:	ЗША[1]
Нарадзіўся:	2 ліпеня 1994(1994-07-02)[1] (31 год) Parker[d], Дуглас (акруга, Каларада)[d], Каларада, ЗША
Альма-матэр:	Legend High School[d] Каларадзкі ўнівэрсытэт у Боўлдэры[d][2][3]
Драфт
29, драфт НБА 2017 году Сан-Антоніё Спэрз[2]
Клюбная інфармацыя
Клюб	Бостан Сэлтыкс
Клюбы
Гады	Клюб
2016—2017	Каларада Бафалас[d]
2017—2022	Сан-Антоніё Спэрз
2022—4	Бостан Сэлтыкс
Статыстыка на NBA.com

Кар’ера

Уайт быў адным з 60 пэрспэктыўных гульцоў, запрошаных на драфт НБА 2017 году^[4]. У выніку ён быў абраны пад 29-м нумарам клюбам «Сан-Антоніё Спэрз», 6 ліпеня 2017 году падпісаўшы кантракт з «шпорамі»^[5]. 18 кастрычніка 2017 году баскетбаліст запачаткаваў кар’еру ў НБА, выйшаўшы з лаўкі запасных у матчы супраць «Мінэсоты Тымбэрўулвз»^[6]. На пэўны час гулец высылаўся ў лігу разьвіцьця НБА, дзе здабыцьця гульнёвай практыкі.

14 красавіка 2018 году спартовец дэбютаваў у плэй-оф НБА, выйшаўшы з лаўкі на матч супраць «Голдэн Стэйт Ўорыярз» і зарабіўшы 7 пунктаў^[7]. Толькі ў канцы году набраў добрую форму, некалькі разоў абнаўляўчы асабістыя рэкорды паводле колькасьці назьбіраных пунктаў. 18 красавіка 2019 году ў матчы супраць «Дэнвэр Нагетс» у матчы плэй-оф паклаў на свой рахунак 36 пунктаў і вывеў «Сан-Антоніё» наперад у сэрыі ў першым раундзе^[8]. 21 сьнежня 2020 году «шпоры» абвесьцілі аб складаньні новай угоды з Ўайтам на чатыры гады і заробкам за гэты час у 73 мільёны даляраў^[9], аднак 10 лютага 2022 году гулец быў абменены ў «Бостан Сэлтыкс».

У новым клюбе баскетбалістам асноўнага складу стаў толькі з сэзону 2022—2023 гадоў. Ўайт выйшаў у стартавым складзе ў 70 гульнях і зьявіўся ўва ўсіх 82 гульнях рэгулярнага сэзону, у выніку ў траўні 2023 году быў улучаны ў склад зборнай усіх зорак абароны НБА^[10]. 18 сакавіка 2024 году гулец зрабіў свой першы ў кар’еры трыпл-дабл з 22-а пунктамі, 10-ю падборамі і 10-ю перадачамі ў пераможным зь лікам 119:94 матчы супраць «Дэтройт Пістанз»^[11]. У красавіку ў матчы плэй-оф супраць «Маямі Гіт» паклаў на свой рахунак 38 пунктаў^[12]. Разам з камандай стаў пераможцам НБА. 1 ліпеня 2024 году Ўайт падпісаў новы кантракт з «Сэлтыкс» тэрмінам на чатыры гады і на суму ў 125,9 мільёнаў даляраў^[13].