Жатэц

Жа́тэц (па-чэску: Žatec) — горад у Чэхіі, месьціцца ва Усьцецкім краі. Стаіць на рацэ Огржа. Жатэц вядомы больш чым 700-гадовай традыцыяй вырошчвання высакароднага хмелю гатунку Жатэц, які выкарыстоўваецца некалькімі броварнымі заводамі. Жатэц і жатэцкі хмель былі ўлучаны ў сьпіс Сусьветнай спадчыны ЮНЭСКО ў 2023 годзе.

Жатэц
Першыя згадкі:	1004[1] і 1052[2]
Краіна:	Чэхія
Кіраўнік:	Радзім Лайбл[d][3]
Плошча:	42,676571 км²[4]
Вышыня:	233 м н. у. м.
Насельніцтва:	▼18 959 чал. (1 студзеня 2025)[5]
Паштовы індэкс:	438 01
Нумарны знак:	U
Геаграфічныя каардынаты:	50°19′39″ пн. ш. 13°32′47″ у. д.
Жатэц на мапе Чэхіі Жатэц
Галерэя здымкаў у Вікісховішчы
https://www.mesto-zatec.cz/

Гісторыя

Першая пісьмовая згадка пра Жатэц датуецца 1004 годам і месьціцца ў лацінскай хроніцы Тытмара Мэрзэбурскага. У 1248 годзе Жатэц упершыню набыў статус гораду. У 1265 годзе ён атрымаў прывілеі каралеўскага гораду ад караля Атакара II^[6]. У XVI стагодзьдзі ў месьце налічвала 5 тысяч жыхароў, таму ён уважаўся як адзін з самых густанаселеных гарадоў каралеўства. У 1827 годзе быў пабудаваны мост праз раку, які стаў першым ланцуговым мостам у Багеміі^[6].

З пачатку гусіцкіх войнаў у 1419 годзе да Трыццацігадовай вайны горад стаяў на баку гусітаў, але пасьля бітвы на Белай гары 1620 году большая частка чэскіх жыхароў пакінула горад^[6]. Ён заставаўся этнічна нямецкім ажно да 1945 году, калі немцы былі выгнаны з сваіх дамову. 3 чэрвеня 1945 году 5 тысяч мужчынаў зь ліку судэцкіх немцаў з Жатцу былі сагнаныя на гарадзкі пляц, і прынамсі 763 чалавекі былі забітыя. Паводле ацэнак, колькасьць ахвяраў, забітых чэхаславацкімі вайскоўцамі падчас маршу, а таксама ў Жатцу падчас і пасьля маршу, дасягае 2 тысяч чалавек^[7].