Жэнэўскі фантан

Жэнэўскі фантан (па-француску: Jet d'eau de Genève^[a]) — фантан у Жэнэве ў Швайцарыі, важная славутасьць горада й адзін з самых вялікіх фантанаў у сьвеце.

Жэнеўскі фантан

Вышыня фантана складае 140 м. Хуткасьць патоку — 500 літраў у сэкунду. Спажыўная магутнасьць помпы, якая працуе ад сеткі з напругай 2400 В, — 500 кВт. Хуткасьць бруі складае 200 км/гадз.

Гісторыя

Упершыню фантан быў устаноўлены ў 1886 годзе, крыху ніжэй па плыні ад сёньняшняга месцазнаходжаньня. У 1891 годзе ў гонар 600-гадовай гадавіны Швайцарскай Канфэдэрацыі фантан быў усталёваны ў самім горадзе дзеля ўсеагульнага агляду.

У той час ягоная максымальная вышыня складала 90 мэтраў. На сёньняшнім месцы фантан быў усталяваны ў 1951 годзе на помпавай станцыі, якая знаходзіцца ў возеры пад ім, каб выкарыстоўваць ваду не з вадаправода, як гэта было раней, а з самога возера. З 2003 году фантан працуе штодня. Яго адключаюць толькі пры моцным ветры й у мароз.

Галерэя

• 
  Вясёлка
• 
  Падсьвятленьне фантана
• 
  Паблізу фантана
• 
  Фантан уначы

Заўвагі

1. у крыніцах на іншых мовах, у тым ліку й на беларускай безь перакладу: Jet d'Eau, Жэ д'О

Вонкавыя спасылкі

Жэнэўскі фантан — сховішча мультымэдыйных матэрыялаў

• Афіцыйны сайт
• Jet d`Eau на мапе Google