Жэрэмі Мат’ё

Жэрэмі́ Мат’ё (па-француску: Jérémy Mathieu; нар. 29 кастрычніка 1983 году, Люксёйль-ле-Бэн, Францыя) — былы францускі футбаліст, які гуляў на пазыцыі абаронцы.

Жэрэмі Мат’ё
Пэрсанальная інфармацыя
Нарадзіўся	29 кастрычніка 1983(1983-10-29)[1][2] (41 год) Люксёйль-ле-Бэн[d]
Рост	189 см
Вага	83 кг
Пазыцыя	цэнтральны абаронца, задні абаронца
Клюбы
Гады	Клюб	Гульні (галы)¹
2002—2005	Сашо	86 (9)
2005—2009	Тулюза	86 (5)
2009—2014	Валенсія	126 (6)
2014—2017	Барсэлёна	62 (3)
2017—2020	Спортынг Лісабон	71 (6)
Зборныя
2007	Францыя Б[d]
2011—2016	Францыя	5 (0)

Кар’ера

«Сашо»

Жэрэмі зьяўляецца выхаванцам клюбу «Сашо». У складзе «ільвянятаў» дэбютаваў у 2002 годзе ў чэмпіянаце Францыі ў гульні супраць каманды «Сэдан». Разам з «Сашо» Жэрэмі заваяваў першы трафэй у сваёй прафэсійнай кар’еры — Кубак францускай лігі 2004 году.

«Ліль»

У 2005 годзе Мат’ё перайшоў у «Тулюзу». Другі сэзон, у якім футбаліст гуляў за «Тулюзу», апынуўся нечакана ўдалым для каманды, «Тулюза» заняла трэцяе месца ў чэмпіянаце, заваяваўшы пуцёўку ў папярэдні этап Лігі чэмпіёнаў. І хоць наступны сэзон быў куды менш пасьпяховы — каманда зь цяжкасьцю захавала месца ў эліце — малады абаронца зьвярнуў на сябе ўвагу адразу некалькіх эўрапейскіх клюбаў, у прыватнасьці, «Ромы»^[3], «Бардо»^[4] й «Джэноа»^[5].

«Валенсія»

Аднак, Жэрэмі зрабіў іншы выбар: у 2009 годзе, пасьля заканчэньня тэрміну кантракту з «Тулюзай», футбаліст падпісаў 3-гадовае пагадненьне з гішпанскай «Валенсіяй»^[6] і ўжо ў наступным сэзоне дэбютаваў за свой ​​новы клюб у чэмпіянаце Гішпаніі й Лізе Эўропы. 6 сьнежня 2009 году Жэрэмі забіў свой ​​першы мяч у гішпанскім першынстве: на ягоным рахунку пераможны гол у матчы супраць «Атлетыка» (Більбао), які завяршыўся зь лікам 2:1 на карысьць «Валенсіі».

«Барсэлёна»

Улетку 2014 году Мат’ё перайшоў у «Барсэлёну» за 20 мільёнаў эўра, стаўшы найдаражэйшым абаронцам у гісторыі ва ўзросьце пасьля 30 гадоў^[7].

Міжнародная кар’ера

У зборную Францыі футбаліст упершыню быў выкліканы ў 2007 годзе для ўдзелу ў таварыскім матчы супраць зборнай Славаччыны, але ўдзелу ў гульні на прымаў, згуляўшы за каманду рэзэрвістаў зборнай Францыі з рэзэрвовым складам зборнай Славаччыны.

4 кастрычніка 2011 году Мат’ё быў выкліканы ў зборную галоўным трэнэрам Ляранам Блянам, для ўдзелу ў адборачных матчах чэмпіянату Эўропы 2012 году супраць зборнай Альбаніі й зборнай Босьніі і Герцагавіны, аднак удзелу зноёку не прымаў. Першую сваю гульню Жэрэмі правёў 11 лістапада 2011 году ў таварыскай сустрэчы супраць зборнай ЗША (1:0)^[8].

Дасягненьні

«Сашо»:

• Уладальнік Кубка францускай лігі: 2004

«Барсэлёна»:

• Чэмпіён Гішпаніі: 2015, 2016
• Уладальнік Кубка Гішпаніі: 2015, 2016, 2017
• Уладальнік Супэркубка Гішпаніі: 2016
• Пераможца Лігі чэмпіёнаў: 2015
• Пераможца Супэркубка УЭФА: 2015
• Пераможца клюбнага чэмпіянату сьвету: 2015

«Спортынг»:

• Уладальнік Кубка Партугаліі: 2019
• Уладальнік Кубка партугальскае лігі: 2018, 2019