Зьміцер Кісель (малодшы)

Зьмі́цер Кісе́ль (нар. 3 студзеня 1990 году, Пінск) — журналіст, грамадзкі дзяяч, краязнаўца Пінскага Палесься.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кісель (неадназначнасьць).

Зьміцер Кісель
Дата нараджэньня	3 студзеня 1990(1990-01-03) (35 гадоў)
Месца нараджэньня	Пінск, Берасьцейская вобласьць, БССР, СССР
Занятак	журналіст

Біяграфія

Грамадзкая дзейнасьць пачалася з напісаньня працы па жыцьці Р. Скірмунта на моладзевую гістарычную канфэрэнцыю, якую ладзіў Палескі дзяржаўны ўнівэрсітэт (ПалесДУ) ды ўсталяваньня мэмарыяльнай шыльды на магіле Рамана Скірмунта, што ў вёсцы Парэчча Пінскага раёну.

Зь верасьня 2014 па травень 2017 году ачольваў Інфармацыйна-асьветніцкую ўстанову «Інстытуцыйнага разьвіцьця»^[1], якая дзейнічала на тэрыторыі Берасьцейскай вобласьці. Ініцыятар ушанаваньня памяці ў Беларусі амэрыканкі Люізы Арнэр Бойд. Аўтар фотаальбому «Палесьсе Луізы Бойд»^[2] і сцэнару да дакумэнтальнай стужкі «Палесьсе Луізы Бойд»^[3]. Зь траўня 2017 году па лістапад 2021 году старшыня берасьцейскага абласнога гуманітарна-асьветніцкага грамадзкага аб’яднаньня «Садружнасьць Палесься»^[4][5].

Ініцыяваў добраўпарадкаваньне і папулярызацыю крыніц Пінскага раёна, як важныя аб'екты экатурызму. У 2017-2018 гадах аўтар і каардынатар праекта «Захаваем крыніцы Пінскага Палесься»^[6][7].

Гістарычныя артыкулы Зьмітра Кісяля друкуюцца на рэгіянальных Інтэрнэт-рэсурсах Берасьцейшчыны.

Глядзіце таксама

• Уладзімер Кісель
• Зьміцер Кісель