Зінаіда Мажэйка

Зінаіда Якаўлеўна Мажэйка (6 сьнежня 1933; Ворша, Віцебская вобласьць, Беларусь — 8 сакавіка 2014; Менск, цяпер Беларусь^[1]) — беларуская этнамузыказнаўца. Доктар мастацтвазнаўства (1992). Заслужаны дзяяч мастацтваў БССР (1987). Уваходзіць у сьпіс 200 найбольш вядомых жанчын-інтэлектуалаў сьвету^[2].

Вікіпэдыя мае артыкулы пра іншых асобаў з прозьвішчам Мажэйка.

Зінаіда Якаўлеўна Мажэйка
Дата нараджэньня	6 сьнежня 1933(1933-12-06)
Месца нараджэньня	Ворша, Беларуская ССР, СССР
Дата сьмерці	8 сакавіка 2014(2014-03-08) (80 гадоў)
Месца сьмерці	Менск, Беларусь
Месца вучобы	Беларуская дзяржаўная кансэрваторыя (1961)
Занятак	навукоўца, прафэсарка ўнівэрсытэту, музыказнаўца
Навуковая сфэра	этнамузыкалёгія, фальклярыстыка, аўдыёвізуальная антрапалёгія
Месца працы	Інстытут мастацтвазнаўства, этнаграфіі і фальклёру імя Кандрата Крапівы НАНБ
Вядомая як	этнамузыколяг
Навуковая ступень	доктар мастацтвазнаўства[d] (1992)
Узнагароды	Дзяржаўная прэмія Рэспублікі Беларусь (1994)

Біяграфія

У 1961 годзе скончыла Беларускую кансэрваторыю. 3 1962 году ў Інстытуце мастацтвазнаўства, этнаграфіі і фальклёру НАН Беларусі. Працавала ў галіне тэарэтычнай этнамузыкалёгіі і практычнай фальклярыстыкі.

Асноўныя дасьледаваньні прысьвечаныя сыстэмнай тыпалёгіі беларускага песеннага фальклёру, яго арэальным і сацыялягічным аспэктам.

Арганізатар музычна-этнаграфічных канцэртаў, падрыхтавала грампласьцінкі, у тым ліку „Музычны фальклёр Беларускага Палесься“ (Гран-пры ЮНЭСКА 1988 г.), распрацоўвала праграмы аўдыёвізуальнай антрапалёгіі (сцэнары да 6 музычна-этнаграфічных фільмаў).

Фільмаграфія

Была сцэнарысткай і палявой рэжысэркай дакумэнтальных музычна-антрапалягічных кінафільмаў:

• „Палескія калядкі“ (Беларусьфільм, «Летапіс», 1972)
• „Голоса веков“ (Беларусьфільм, «Летапіс», 1979)
• „Память столетий“ (Беларусьфільм, «Летапіс», 1982)
• „Крывыя вечары“ (Беларусьфільм, «Летапіс», 1993)
• „Рух зямлі“ (Беларусьфільм, «Летапіс», 1999)

Асноўныя працы

• Песенная культура Беларускага Палесься (1971)
• Песьні беларускага Паазер’я (1981)
• Каляндарна-песенная культура Беларусі: Вопыт сыстэмна-тыпалягічнага дасьледаваньня (1985)
• Вясельле: Мелодыі (у суаўт., 1990)
• Народна-песенная культура Беларусі ў агульнаславянскім кантэксьце: Да пытаньня параўнальных дасьледаваньняў на ўзроўні песенных сыстэмаў (1998)
• Песьні Беларускага Падняпроўя (у суаўт., 1999)
• Экология традиционной народно-музыкальной культуры (2011)

Літаратура

• Мажэйка Зінаіда Якаўлеўна // Памяць. Орша і Аршанскі раён: гісторыка-дакументальная хроніка гарадоў і раёнаў Беларусі : у 2 кн. / рэдкал.: Г. П. Пашкоў [і інш.]. — Мн., 2000. — Кн. 2. — С. 435.
• Филиал «Институт искусствоведения, этнографии и фольклора имени Кондрата Крапивы» — Список публикаций сотрудников
• Мажэйка Зінаіда Якаўлеўна. Да 50-годдзя навуковай і творчай дзейнасці. — Мінск: Тэхналогія, 2013. 141 с.