Каймін

Каймін (Каймінскае) — возера ў Астравецкім раёне Гарадзенскай вобласьці. Знаходзіцца за 36 км на паўночны ўсход ад гарадзкога пасёлка Астравец, каля вёскі Кайміна Горная. Належыць да групы Сарачанскіх азёр.

Возера Каймін Краіна Беларусь Плошча 0,43 км² Плошча вадазбору 159 км² Максымальная глыбіня 19,5 м Найбольшая даўжыня 1,55 км Найбольшая шырыня 0,38 км Даўжыня берагавой лініі 4,3 км Аб’ём вады 3,26 млн м³ Каардынаты 54°53′13.11″ пн. ш. 26°12′47.55″ у. д. Каймін на мапе Беларусі Каймін

Галерэя здымкаў у Вікісховішчы

Возера знаходзіцца ў басэйне ракі Сарачанка. Плошча Кайміну складае 0,43 км². Найбольшая глыбіня возера — 19,5 м. Даўжыня возера — 1,55 км, найбольшая шырыня — 0,38 км. Аб’ём вады ў возеры складае 3,26 млн м³. Даўжыня берагавой лініі возера складае 4,3 км, плошча вадазбору — 159 км².

Велічыня празрыстасьці вады ў возеры складае 2,0 м.

Возера Каймін

Схілы катлавіны возера маюць вышыню 10—15 м, на паўночным захадзе велічыня схілаў складае 3—5. Схілы парослыя лесам і хмызьняком, на поўначы ўчасткамі разараныя. Берагі пераважна зьліваюцца з схіламі, на поўдні і паўднёвым захадзе маюць вышыню да 0,5 м, знаходзяцца пад хмызьняком. На захадзе берагі знаходзяцца пад лесам.

Дно вадаёма мае ўпадзіны. Да глыбіні 4—6 м высланае пяском і апяшчаненым глеем, на большых глыбінях — сапрапэлем.

Праз возера працякае рака Клевель.

Расьліннасьць у возеры пашыраная да глыбіні 1—1,8 м.

Літаратура

• Озера Белоруссии. О.Ф. Якушко и др. — Мн.: Ураджай, 1988.