Калмусоўка

Калмусо́ўка — моцны сьпіртовы напой у выглядзе настойкі з коранем аеру.

Калмусоўка
Іншыя назвы	аераўка
Тып	сьпіртовы напой
Нацыянальная страва	беларуская
Паходжаньне	Беларусь
Рэгіён	Наваградзкі павет
Аўтар	Лявон Патоцкі
Дата зьяўленьня	1820-я гады
Час прыгатаваньня	2 месяцы і 10 дзён
Асноўны складнік	гарэлка
Распаўсюджаныя складнікі	каньяк, корань аеру, апэльсінвая скурка, карыца і кардамон
Падобныя стравы	настойка

Для прыгатаваньня выкарыстоўваюць: 3 літры гарэлкі, 100 грамаў каньяку, 50 грамаў сьвежага кораню аеру або 20 грамаў сушанага, лыжку дзёртай апэльсінавай скуркі, 3 пальцы карыцы і пару каліваў кардамону. У якасьці закускі да яе падавалі цукаты з аеру^[1].

Прыгатаваньне

Корань аеру, дзёртую апэльсінавую скурку, карыцу і кардамон засыпаюць у слоік, які заліваюць гарэлкай. Слоік пакідаюць на 10 дзён у цёплым месцы і штодня трасуць. Пасьля фільтраваньня атрыманую настойку зьмешваюць з каньяком і разьліваюць па пляшках для далейшага настойваньня цягам пары месяцаў^[1].