Калёна Жыгімонта

Калёна караля Жыгімонта (па-польску: Kolumna Zygmunta III Wazy, Kolumna Zygmuntowska) — помнік каралю Жыгімонту III на пляцы перад Каралеўскім замкам у Варшаве.

Калёна караля Жыгімонта

Калёна

Статуя караля

Паваленая статуя ў 1945 годзе

Гісторыя

Калёна была ўстаноўлена ў 1643—1644 гадах у якасьці дару караля Ўладзіслава IV у гонар ягонага бацькі, па праекце Аўгустына Лёчы і Канстантына Тэнкаля. Статуя была створана Клемэнтэ Молі і адлітая з бронзы каралеўскім ліцейнікам Даніілам Тымам.

Статуя адлюстроўвае караля ў рыцарскіх дасьпехах. У правай руцэ ён трымае крывую шаблю, левай рукой абапіраецца на крыж.

Ствол калёны, першапачаткова выраблены зь мяккага канглямэрату, быў у 1885—1887 гадах заменены ствалом з граніту.

Падчас Варшаўскага паўстаньня калёна была павалена. Яна была адноўленая ў 1949 годзе (адсутнічыя элемэнты ўзнавіў скульптар Юзэф Газы^[1][2]). Быў выраблены новы ствол з граніту, пастаўленага стшэгомскім кар’ерам у Сылезыі.