Канстанцін Кучынскі

Канстанці́н Аляксеевіч Кучы́нскі (нар. 15 ліпеня 1998 году) — беларускі футбаліст, абаронца гарадзенскага «Нёману».

Канстанцін Кучынскі
Пэрсанальная інфармацыя
Нарадзіўся	15 ліпеня 1998(1998-07-15)[1][2] (27 гадоў) Менск, Беларусь[3]
Рост	172 см[3]
Вага	71 кг[1]
Пазыцыя	абаронца
Клюбная інфармацыя
Клюб	Нёман Горадня
Нумар	19
Клюбы
Гады	Клюб	Гульні (галы)¹
2015—2016	Энэргетык-БДУ	4 (0)
2016	→ Дынама Менск	0 (0)
2017—2021	Дынама Менск	2 (0)
2018	→ Ліда	20 (2)
2019—2020	→ Белшына	43 (0)
2022—2023	Гомель	52 (2)
2024	Іслач	14 (1)
2024	Жэтысу	9 (0)
2025—4	Нёман Горадня	13 (3)
Зборныя
2016—2017	Беларусь (да 19)[d]	6 (0)
2018—2019	Беларусь (да 21)	7 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Клюбная

Выхаванец сталічнага РЦАР-БДУ, з 2015 году пачаў выступаць у Першай лізе за «Зорку-БДУ». У сакавіку 2016 году на правах арэнды далучыўся да менскага «Дынама»^[4], дзе стаў выступаць за дубль. У студзені 2017 году падпісаў з дынамаўцамі паўнавартасны кантракт^[5]. Сэзон 2017 году правёў у дублі, а ў сакавіку 2018 году быў аддадзены ў арэнду ў «Ліду»^[6].

У лістападзе 2018 году вярнуўся з арэнды ў «Дынама»^[7], а ў сакавіку 2019 году пасьля прагляду далучыўся да бабруйскай «Белшыны»^[8]. Замацаваўся ў асноўным складзе бабруйчанаў і дапамог камандзе выйсьці ў Найвышэйшую лігу. У лютым 2020 году падоўжыў пагадненьне зь «Белшынай»^[9]. Працягваў выступаць у стартавым складзе бабруйчанаў, але ня выратаваў каманды ад вылету ў Першую лігу. У сьнежні 2020 году пакінуў бабруйскі клюб^[10].

З траўня 2021 году пачаў прыцягвацца да складу менскага «Дынама». Гуляў пераважна за дубль, правёўшы толькі 2 матчы за клюб у Найвышэйшай лізе. У сьнежні 2021 году па заканчэньні кантракту пакінуў «Дынама»^[11]. У студзені 2022 году трэнаваўся зь «Менскам», а ў лютым падпісаў кантракт з «Гомлем»^[12], дзе замацаваўся ў пачатковым складзе. У студзені 2023 году падоўжыў кантракт з гомельскім клюбам^[13]. Першую палову 2024 году быў футбалістам «Іслачы»^[14], але ўлетку зьніў клюб на казаскі «Жэтысу». У студзені 2025 году далучыўся да гарадзенскага «Нёману»^[15].

Міжнародная

У 2014—2015 гадах гуляў за зборную Беларусі (да 17 гадоў) у кваліфікацыі чэмпіянату Эўропы. У кастрычніку 2017 году гуляў за зборную Беларусі (да 19 гадоў) у адборачным раўндзе чэмпіянату Эўропы. 14 лістапада 2018 году дэбютаваў у зборнай Беларусі (да 21 гадоў), адгуляўшы ўсе 90 хвілінаў у таварыскім матчы супраць зборнай Харватыі (1:3). У далейшым стаў адным з асноўных абаронцаў зборнай.

Дасягненьні

• Бронзавы прызэр чэмпіянату Беларусі: 2021
• Уладальнік Кубка Беларусі: 2022, 2025