15 ліпеня

15 лі́пеня — 196-ы дзень году (197-ы ў высакосным годзе) паводле Грыгарыянскага календару. Да канца году застаецца 169 дзён.

← ліпень →
Пн	Аў	Ср	Чц	Пт	Сб	Нд
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2025 год Усе дні

Падзеі

Карціна бітвы пад Грунвальдам з Бэрнэрскай хроніцы Шылінга Салятурна

• 64 — вялікі пажар у Рыме
• 1240 — Перамога наўгародцаў і ладажанаў пад кіраўніцтвам князя Аляксандра Яраславіча над швэдамі, якія намагаліся захапіць Ноўгарад
• 1410 — аб’яднанае войска Вялікага Княства Літоўскага і Польшчы атрымала перамогу над крыжакамі Тэўтонскага ордэну ў бітве пад Грунвальдам
• 1500 — Бітва на Ведрашы: войска ВКЛ пацярпела паразу ад маскоўскага войска
• 1514 — пачалася аблога Смаленску маскоўскім войскам
• 1646 — каранацыя Людвікі Марыі Ганзагі, жонкі караля і вялікага князя Ўладзіслава Вазы, а потым Яна Казімера
• 1741 — на Алясцы высадзіліся першыя эўрапейцы
• 1799 — францускі капітан знайшоў у Эгіпце Разэцкі камень
• 1815 — Напалеон здаўся ў палон капітану брытанскага карабля «HMS Bellerophon»
• 1823 — у Рыме ўшчэнт згарэла даўняя базыліка Сьвятога Паўла
• 1916 — заснаваная кампанія Боінг
• 1918 — пачалася другая бітва на Марне
• 1924 — ІІ сэсія ЦВК БССР прыняла пастанову «Аб практычных мерах па правядзеньні нацыянальнай палітыкі», у адпаведнасьці зь якой беларусізацыя стала афіцыйнай дзяржаўнай палітыкай
• 1938 — заснаваны Беларускі дзяржаўны тэатар лялек
• 1940 — пачатак парлямэнцкіх выбараў у Латвіі й іншых балтыйскіх краінах, да выбараў быў дапушчаны толькі папярэдне зацьверджаны балшавікамі сьпіс кандыдатаў
• 1942 — каля 1 000 вязьняў Бярозаўскага гета зьнішчылі ля вёскі Бронная Гара
• 1954 — заснаваны «Менскі мэханічны завод»
• 1996 — Апостальскім нунцыям ў Беларусі прызначаны Дамінік Грушаўскі
• 1997 — Нацыянальная акадэмія навук Беларусі заснавала прадпрыемства «БелІКО»
• 2006 — уведзена ў абарот купюра вартасьцю 100 000 беларускіх рублёў
• 2014 — Катастрофа ў маскоўскім мэтрапалітэне

Нараджэньні

• 1606 — Рэмбрант, галяндзкі мастак
• 1609 — Казімер Леў Сапега, дзяржаўны дзяяч Вялікага Княства Літоўскага
• 1876 — Алаіза Пашкевіч (Цётка), беларуская паэтка
• 1753 — Якуб Дадэрка, рымска-каталіцкі дзяяч, біскуп
• 1754 — Пётар Бялінскі, прэзыдэнт соймавага суду Царства Польскага, пісар вялікі каронны ад 1787, сэнатар-ваявода
• 1848 — Вільфрэда Парэта, вядомы італьянскі эканаміст XIX стагодзьдзя
• 1893 — Уладзімеж Антаневіч, польскі археоляг
• 1901 — Уладзімер Дубоўка, беларускі паэт
• 1903 — Алена Лябецкая, беларуская палітычная і грамадзкая дзяячка, мэмуарыстка
• 1910 — Уладзімер Стэльмах, беларускі тэатральны дзеяч, пісьменьнік. Заслужаны дзеяч мастацтва Беларусі
• 1913 — Абрагам Суцкевэр, габрэйскі і польскі паэт і пісьменьнік
• 1919 — Айрыс Мэрдак, брытанская і ірляндзкая пісьменьніца
• 1930 — Жак Дэрыда, францускі філёзаф
• 1939:
  • Пётар Навасад, беларускі сьпявак, заслужаны артыст Беларусі
  • Барыс Колкер, савецкі эспэрантоляг, выкладчык моваў і перакладчык
  • Анібал Каваку Сылва, партугальскі палітык
  • Васіль Макарэвіч, беларускі паэт, журналіст
• 1944 — Аляксандар Чалядзінскі, беларускі гісторык і палітоляг
• 1946 — Хасанал Болкіях, дзейны султан Брунэю
• 1948 — Васіль Равяка, сябра Савету Рэспублікі 4 скліканьня, Герой Беларусі
• 1949 — Карл Більт, швэдзкі палітык і шляхціц
• 1952 — Тэры О’Кўін, амэрыканскі актор, вядомы як Джон Лок ў сэрыяле «Згубленыя», а таксама Пітэр Ўотс у сэрыяле «Тысячагодзьдзе»
• 1953 — Марцін Відавіч, рымска-каталіцкі дзяяч
• 1956 — Ян Кёрціс, вакаліст і аўтар тэкстаў гурту Joy Division
• 1961 — Форэст Ўітакер, амэрыканскі актор, кінарэжысэр, прадусар. Ляўрэат прэміяў «Оскар» (2006), «Залаты Глёбус» (2006), BAFTA (2006), «Эмі» (2003)
• 1968 — Разалінда Чэлентана, італьянская акторка, вядомая па ролі Шатана ў фільме Мэла Гібсана Пакуты Хрыстовы.
• 1969 — Аляксандар Васільеў, расейскі музыка
• 1979 — Стыліян Петраў, баўгарскі футбаліст
• 1980 — Бруно Мбанангой, габонскі футбаліст
• 1985
  • Грацыяна Пэле, італьянскі футбаліст
  • Бурак Ілмаз, турэцкі футбаліст
• 1988:
  • Павал Няхайчык, беларускі футбаліст
  • Уладзімер Чапелін, беларускі біятляніст
• 1990 — Дэм’ен Лілард — амэрыканскі баскетбаліст
• 1991:
  • Даніла Луіс да Сылва, бразылійскі футбаліст
  • Максім Сяргееў, беларускі шорт-трэкіст
• 1996 — Аляксандар Кучынскі, беларускі футбаліст
• 1998 — Канстанцін Кучынскі, беларускі футбаліст, уладальнік Кубка Беларусі (2022, 2025)

Сьмерці

• 1274 — Банавэнтура, каталіцкі сьвяты, сярэднявечны тэёляг, францішканскі схаляст, генэрал францішканскага ордэну, кардынал
• 1410 — Ульрых фон Юнгінгэн, 26-ы вялікі магістар Тэўтонскага ордэна
• 1857 — Карл Чэрні, аўстрыйскі піяніст і кампазытар чэскага паходжаньня
• 1885 — Расалія дэ Кастра, гішпанская пісьменьніца і паэтка
• 1904 — Антон Чэхаў, расейскі пісьменьнік, драматург, лекар
• 1916 — Ільля Мечнікаў, расейскі і францускі біёлаг (заоляг, эмбрыёляг, імуноляг, фізыёлаг і патоляг)
• 1919 — Герман Эміль Фішэр, нямецкі хімік, ляўрэат Нобэлеўскай прэміі па хіміі (1902)
• 1920 — Мацей Сулькевіч, расейскі і азэрбайджанскі вайсковец, крымскататарскі дзеяч, які нарадзіўся ў Беларусі
• 1935 — Пэтэр Корт ван дэр Ліндэн, нідэрляндзкі палітычны й дзяржаўны дзяяч. Прэм’ер-міністар Нідэрляндаў
• 1981 — Цімафей Кавалёў, савецкі грамадзянскі і вайсковы лётчык, маёр. Герой Савецкага Саюзу (1945)
• 1986 — Казімер Гечыс, летувіскі і польскі каталіцкі сьвятар, гісторык, доктар тэалягічных і філязофскіх навук
• 2009 — Натальля Эстэмірава, расейская праваабаронца, журналіст, супрацоўніца Праваабарончага цэнтру «Мэмарыял» у Грозным

Сьвяты

• Сьвята Грунвальду (Сьвята перамогі пад Дуброўнай)
• Украіна — Дзень украінскай дзяржаўнасьці, Дзень хрышчэньня Кіеўскай Русі — Украіны

15 ліпеня — сховішча мультымэдыйных матэрыялаў