Капліца-пахавальня Сенажацкіх

Капліца-пахавальня Сенажацкіх — помнік архітэктуры пачатку XX стагодзьдзя ў Магілёве. Знаходзіцца пасярод каталіцкіх могілак на гістарычнай Віленскай вуліцы^[a]. Твор архітэктуры нэаклясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік сакральнай архітэктуры
Капліца-пахавальня Сенажацкіх
Капліца-пахавальня Сенажацкіх
Краіна	Беларусь
Места	Магілёў
Каардынаты	53°54′15″ пн. ш. 30°19′06″ у. д.
Канфэсія	Каталіцкая царква
Эпархія	Менска-Магілёўская архідыяцэзія
Архітэктурны стыль	нэаклясыцызм
Статус	Дзяржаўны сьпіс гісторыка-культурных каштоўнасьцяў Рэспублікі Беларусь[1]
Капліца-пахавальня Сенажацкіх на мапе Беларусі Капліца-пахавальня Сенажацкіх
Капліца-пахавальня Сенажацкіх на Вікісховішчы

Гісторыя

Бакавы фасад

Мураваную могілкавую капліцу-пахавальню Сенажацкіх[ збудавалі на Магілёўскіх каталіцкіх могілках ў 1904 годзе.

25 лістапада 1989 году капліцу перадалі вернікам і асьвяцілі..

Архітэктура

Помнік архітэктуры нэаклясыцызму. Кампактавы прастакутны ў пляне будынак пад пакатым 2-схільным дахам. Да фасада далучаецца 4-гранная вежа-званіца з прастакутным уваходным праёмам пад трыкутным франтонам і аркавым аконным праёмам над ім. Трыкутнымі франтонамі завяршаюцца таксама грані званіцы, апрацаваныя з бакоў аркавымі нішамі. Бакавыя фасады рытмічна падзяляюцца аркавымі аконнымі праёмамі і пілёнамі ў прасьценках. Мастацка-эстэтычная выразнасьць дасягаецца высакаякаснай чырвонацаглянай муроўкай^[2].

Заўвагі

1. Цяперашні афіцыйны адрас — вуліца Лазарэнкі