Касьцёл Сьвятога Станіслава (Лядзк)

Касьцёл Сьвятога Станіслава — каталіцкі храм у цэнтры в. Лядзк (Шчучынскі раён). Помнік архітэктуры нэеаготыкі з элемэнтамі стылю мадэрн.

Помнік сакральнай архітэктуры
Касьцёл Сьвятога Станіслава
Касьцёл Сьвятога Станіслава
Краіна	Беларусь
Вёска	Лядзк
Каардынаты	53°38′14.64″ пн. ш. 24°36′50.40″ у. д.
Эпархія	Гарадзенская дыяцэзія
Архітэктурны стыль	нэаготыка
Дата заснаваньня	1905
Статус	Ахоўная зона
Касьцёл Сьвятога Станіслава на мапе Беларусі Касьцёл Сьвятога Станіслава
Касьцёл Сьвятога Станіслава на Вікісховішчы

Архітэктура

Пабудаваны ў 20 стагодзьдзі з цэглы, нетынкаваны. Уяўляе сабой прамавугольны ў пляне аб’ём накрыты двухсхільным дахам, да якога прыбудавана пяцігранная апсіда. Да галоўнага фасаду далучана высокая двух’ярусная вежа (чацьвярык на васьмерыку), завершаная высокім шатром. Дэкор фасадаў уключае аркатурныя паясы, раскрапаваныя над стральчатымі аконнымі праёмамі своеасаблівымі шырокімі лапаткамі, якія прарэзаны вокнамі-ружамі.

Унутры касьцёл падзелены на тры нэфы, перакрытыя крыжовымі скляпеньнямі. У інтэр’еры вылучаны дапаможныя памяшканьні ў нартэксе і абапал апсіды.

Літаратура

• Збор помнікаў гісторыі і культуры Беларусі. — Мн.: Беларуская савецкая энцыклапедыя, 1986—1988.

Вонкавыя спасылкі

• Касьцёл Сьвятога Станіслава  (рас.), Глёбус Беларусі
• Касьцёл Сьвятога Станіслава , Radzima.org