Касьцёл Сьвятога Яна Хрысьціцеля (Вята)

Касьцёл Сьвятога Яна Хрысьціцеля — помнік архітэктуры першай паловы XX стагодзьдзя ў Вяце. Дзее. Твор традыцыйнай беларускай драўлянай архітэктуры.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Сьвятога Яна Хрысьціцеля (неадназначнасьць).

Помнік сакральнай архітэктуры
Касьцёл Сьвятога Яна Хрысьціцеля
Касьцёл Сьвятога Яна Хрысьціцеля
Краіна	Беларусь
Вёска	Вята
Канфэсія	каталіцтва
Эпархія	Віцебская дыяцэзія
Архітэктурны стыль	народнае дойлідзтва Беларусі[d]

Гісторыя

Драўляны касьцёл у Вяце збудавалі ў 1932—1934 гадох. 24 чэрвеня 1937 году ў касьцёле ўрачыста асьвяцілі і ўсталявалі звон імя маршалка Юзэфа Пілсудзкага.

Па Другой сусьветнай вайне савецкія ўлады зачынілі касьцёл, будынак якога перарабілі пад збожжасховішча. У 1990-я гады будынак касьцёла вярнулі каталікам, якія яго адрамантавалі.

Архітэктура

Помнік традыцыйнай беларускай драўлянай архітэктуры. Гэта прастакутны ў пляне зруб, накрытым вільчыкавым дахам, які пераходзіць у 3-гранную апсыду. Да фасаду далучаецца прастакутны прытвор, 2-граннае пакрыцьцё якога завяршае ўрэзаная 4-гранная 2-ярусная шатровая званіца. Бакавыя фасады праразаюцца прастакутнымі аконнымі праёмамі.

Малітоўная заля і апсыда перакрываюцца латковым скляпеньнем, інтэр’ер ашаляваны^[1].