Касьцёл Узвышэньня Сьвятога Крыжа (Целяханы)

Касьцёл Узвышэньня Сьвятога Крыжа — помнік архітэктуры першай паловы XIX стагодзьдзя ў Целяханах. Знаходзіцца ў цэнтры мястэчка, на гістарычнай Касьцельнай вуліцы^[a]. Дзее. Твор архітэктуры клясыцызму, часткова зруйнаваны савецкімі ўладамі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Узвышэньня Сьвятога Крыжа (неадназначнасьць).

Помнік сакральнай архітэктуры
Касьцёл Узвышэньня Сьвятога Крыжа
Касьцёл Узвышэньня Сьвятога Крыжа, аўтэнтычны выгляд
Краіна	Беларусь
Мястэчка	Целяханы
Каардынаты	52°31′11″ пн. ш. 25°50′48″ у. д.
Эпархія	Пінская дыяцэзія
Касьцёл Узвышэньня Сьвятога Крыжа на мапе Беларусі Касьцёл Узвышэньня Сьвятога Крыжа

Гісторыя

Мураваны касьцёл у Целяханах збудавалі ў 1816—1817 гадох з фундацыі графа Пуслоўскага^[1].

Па Другой сусьветнай вайне савецкія ўлады зачынілі касьцёл, будынак якога перарабілі пад кіназалю. Пазьней да яго дабудавалі пляцоўку для танцаў.

У 2018 годзе Рымска-каталіцкі касьцёл у Беларусі выкупіў будынак у Івацэвіцкага райвыканкаму і пачаў аднаўленчыя працы. 14 верасьня 2019 году біскуп Антоні Дзям’янка цэлебраваў першую імшу ў адноўленым касьцёле.

Галерэя

• Гістарычныя здымкі
• 
  1915—1918 гг.
• 
  1915—1918 гг.
• 
  1915—1916 гг.
• 
  1917 г.

• 
  1917 г.
• 
  Ф. Драздоўскі, 1924—1932 гг.
• 
  да 1939 г.
• 
  да 1939 г.

Заўвагі

1. Цяперашні афіцыйны адрас — вуліца Леніна, 37/1