Катынь (фільм)

Ка́тынь (па-польску: Katyń) — фільм рэжысэра Анджэя Вайды. Фільм распавядае пра Катынскі расстрэл і зьняты паводле кнігі Анджэя Мулярчыка «Post mortem. Катынская гісторыя» («Post mortem. Opowieść katyńska»). Здымкі распачаты 3 кастрычніка 2006, скончаныя 9 студзеня 2007. Урачыстая прэм’ера адбылася 17 верасьня 2007 — на гадавіну ўваходу Чырвонай Арміі на тэрыторыю Другой Рэчы Паспалітай.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Катынь (неадназначнасьць).

Катынь
Katyń
Жанр	ваенны фільм[d][1][2][3], драматычны фільм[3], гістарычны фільм і экранізацыя літаратурнага твору[d]
Рэжысэр	Анджэй Вайда
Сцэнарыст	Анджэй Вайда Пшэмыслаў Навакоўскі Уладыслаў Пасікоўскі
Прадусар	Міхал Квецінскі
У ролях	Мая Асташэўска Артур Жміеўскі Павал Малашынскі
Кампазытар	Кшыштаф Пэндэрэцкі
Апэратар	Павал Эдэльман[d]
Мантаж	Міленя Федлер Рафал Лістапад
Вытворчасьць	ITI Cinema
Распаўсюд	Vue Movie Distribution[d]
Дата выхаду	17 верасьня 2007 (17 гадоў таму)
Працягласьць	125 хвілін
Краіна	Польшча
Мова	польская, нямецкая, расейская
Бюджэт	15 000 000 PLN (4 млн €)
Старонка на IMDb
Афіцыйны сайт

Сюжэт

Асноўны артыкул: Катынскі расстрэл

Сюжэт фільма пачынаецца 17 верасьня 1939 году і сканчаецца ўвосень 1945. У фільме фактычна чатыры галоўных лініі. Гэта лёсы чатырох польскіх афіцэраў і, у першую чаргу, лёсы іх сваякоў, якія ня ведаюць праўды, але здагадваюцца аб ёй. Гэта фільм аб жанчынах, якія чакаюць, ня вераць у сьмерць, спадзяюцца.

Акторы

• Артур Жміеўскі — Анджэй, ратмістар 8 Палка Ўланаў
• Мая Асташэўская — Ганна, жонка Анджэя
• Анджэй Хыра — Ежы, паручнік 8 Палка Ўланаў, сябра Анджэя
• Вікторыя Гансеўская — Вераніка «Ніка», дачка Анджэя і Ганны
• Уладыслаў Кавальскі — Ян, бацька Анджэя
• Мая Камароўская — Марыя, маці Анджэя
• Ян Энглярт — генэрал
• Данута Стэнка — Ружа, жонка генэрала
• Агнешка Кавёрская — дачка Ружы і генэрала
• Станіслава Цэлінская — гаспадыня ў доме генэрала
• Павал Малашынскі — Пётар, паручнік-пілёт, інжынэр
• Магдалена Цялецкая — Агнешка, сястра паручніка-пілота
• Агнешка Глінская — Ірэна, сястра паручніка-пілота
• Ганна Радван — Эльжбэта, братава Анны
• Антоні Паўліцкі — Тадэўш, сын Эльжбэты
• Сяргей Гармаш — савецкі капітан Папоў
• Альгерд Лукашэвіч — сьвятар

Узнагароды

• Намінацыя на Оскар-2008 як лепшы замежны фільм. Трапіў у шорт-ліст зь 5 фільмаў, што намінаваліся на прэмію.
• Галоўная ўзнагарода Polskie Nagrody Filmowe — Orły 2008 (усяго атрымана 7 статуэтак ў розных катэгорыях).
• Эўрапейскі кінапрыз (European Film Awards) за 2008 год атрымала Магдалена Беджыцка ў катэгорыі Prix D’Excellence за касьцюмы да фільму.

Цікавя факты

• Прэм’ера фільму ў Беларусі адбылася 18 красавіка 2010 году на канале БТ а 15:40. Фільм дубляваны па-беларуску. Якраз у гэты ў Польшчы адбывалася пахаваньне прэзыдэнта Леха Качынскага^[4].