Катэдральны сабор Сашэсьця Сьвятога Духу

Катэдральны сабор Сашэсьця Сьвятога Духу (колішні касьцёл Зьвеставаньня Найсьвяцейшай Панны Марыі) — праваслаўнае сакральнае збудаваньне ў цэнтры Менску, на Высокім Рынку. Галоўная царква Беларускага экзархату Маскоўскага патрыярхату.

храм
Катэдральны сабор Сашэсьця Сьвятога Духу
Сабор Сашэсьця Сьвятога Духу
Краіна	Беларусь
Места	Менск
Каардынаты	53°54′18.27″ пн. ш. 27°33′21.74″ у. д.
Канфэсія	праваслаўе
Эпархія	Менская
Тып будынка	сабор
Архітэктурны стыль	барока
Дата заснаваньня	1642
Рэліквіі і сьвятыні	Менскі абраз Багародзіцы
Статус	гісторыка-культурная каштоўнасьць
Стан	дзейны
Катэдральны сабор Сашэсьця Сьвятога Духу на мапе Беларусі Катэдральны сабор Сашэсьця Сьвятога Духу
Катэдральны сабор Сашэсьця Сьвятога Духу на Вікісховішчы

Гісторыя

Асноўны артыкул: Касьцёл Зьвеставаньня Найсьвяцейшай Панны Марыі і кляштар бэрнардынак (Менск)

Узводзіўся ў 1633—1642 гадох як касьцёл Зьвеставаньня Найсьвяцейшай Панны Марыі пры кляштары бэрнардынак. Па здушэньні вызвольнага паўстаньня (1830—1831) у 1853 годзе ўлады Расейскай імпэрыі скасавалі кляштар^[1], а законьніцаў вывезьлі ў Нясьвіж^[2].

У 1860 годзе касьцёл гвалтоўна перарабілі на царкву Маскоўскага патрыярхату, асьвечаную ў імя сьвятых Кірылы й Мятода. Царква прызначалася студэнтам Менскай духоўнай сэмінарыі, якая часова, па пераезьдзе з Слуцку, разьмяшчаліся ў кельлях кляштару. Потым сэмінарыю перавялі ў перабудаваныя будынкі шпіталя Таварыства Дабрачыннасьці на Траецкай гары^[2].