Кейля (замак)
замак у Эстоніі From Wikipedia, the free encyclopedia
Remove ads
За́мак Ке́йля (па-эстонску: Keila vasallilinnus) — рэшткі замку ў эстонскім месьце Кейля (павет Хар’ю).
| Замак | |
Кейля Keila vasallilinnus | |
 | |
| Краіна | Эстонія |
| Места | Кейля |
| Каардынаты | 59°18′14.5″ пн. ш. 24°26′14.7″ у. д. |
| Тып будынка | замак |
| Першае згадваньне | 1433 |
| Дата заснаваньня | XIV стагодзьдзе |
| Дата скасаваньня | 1750 |
| Статус | ахоўваецца дзяржавай |
| Стан | рэшткі |
Кейля на мапе Эстоніі   Кейля | |
 Кейля на Вікісховішчы | |
У 1976 року мясцовыя краязнаўцы знайшлі ў зарасьлях на паўднёва-ўсходняй ускраіне парку прастакутны будынак са сьценамі больш чым мэтровае даўжыні. На заходнім рагу будынку захаваліся сьляды круглае вежы. Праведзеныя ў 1970-х і 1990-х раскопкі пацьвердзілі, што даўней на гэтым месцы знаходзілася комплекс абарончых збудаваньняў.
Remove ads
Мінуўшчына
Меркавана гэта была ўмацаваная сядзіба фэўдала па прозьвішчы Кегель, пабудаваная прыкладна ў сярэдзіне XIV стагодзьдзя. Першыя згадкі пра яе адосяцца да 1433 року, калі новы ўласьнік Арнт Кальле прадаў сядзібу Лівонскаму ордэну. Верагодна ў 1470 року, падчас рэстаўрацыі Кейльскай царквы, сядзіба была перабудаваная ў васальны замак: да асноўнага аб’ёму памерам 15х25 м была дабудаваная вежа і нарошчаныя муры. Усе ўмацаваньні былі абкружаныя драўляным вастраколам. У сярэдзіне таксама быў выкапаны калодзеж 4-мэтровай глыбіні.
У часе Лівонскай вайны расейскія войскі спалілі замак (1560). Цягам наступных 60 рокаў замак зьмяніў 11 уласьнікаў.
XVII стагодзьдзе стала эпохай росквіту маёнтку, тут у прамысловых маштабах здабывалі ласося. Паводле швэдзкіх і нямецкіх дакумэнтаў 1686 і 1694 рокаў замак быў двухпавярховы.
У часе Паўночнай вайны 1710 року замак ізноў быў моцна пашкоджаны. У 1750 канчаткова закінуты. Рэшткі падвальных памяшканьняў часткова выкарыстоўваліся яшчэ ў XIX стагодзьдзі. Паступова руіны зарасьлі, ператварыўшыся ў пагорак.
Цяпер плошча замку расчышчаная, рэшткі муроў закансэрваваныя.
Remove ads
Галерэя
Плян замку
Калодзеж
Вонкавыя спасылкі
- Музэй Хар’юмаа (эст.)
- Эстонскія сядзібы (эст.)
Wikiwand - on
Seamless Wikipedia browsing. On steroids.
Remove ads