Колін

Ко́лін (па-чэску: Kolín, па-нямецку: Kolín) — горад у Чэхіі. Уваходзіць у склад Сярэднечэскага краю (вобласьці). Знаходзіцца за 60 км на усход ад Прагі на рацэ Лаба. Адміністрацыйны цэнтар раёну Колін. Каля 32 000 жыхароў. Чыгуначны вузел.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Колін (неадназначнасьць).

Колін
Kolín
Герб Коліну Сьцяг Коліну
Першыя згадкі:	1261
Краіна:	Чэхія
Край:	Сярэднечэскі
Раён:	Колін
Кіраўнік:	Міхаэл Кашпар[d]
Плошча:	34,993165 км²
Вышыня:	220 м н. у. м.
Насельніцтва
колькасьць:	32 046 чал. (2022)
шчыльнасьць:
Паштовы індэкс:	280 02
Нумарны знак:	S
Геаграфічныя каардынаты:	50°1′44″ пн. ш. 15°12′0″ у. д.
Колін на мапе Чэхіі Колін
Галерэя здымкаў у Вікісховішчы
Афіцыйны сайт

Гісторыя

Заснаваны Вэнцаславам I як Новая Калёнія ў XIII стагодзьдзі. Першы пісьмовы ўспамін пра Колін, які тады ўжо меў статус каралеўскага гораду, датуецца 1261 годам. У 1475—1488 гадах Гінэк з Подзебрадаў, вядомы пісьменьнік эпохі Адраджэньня, сын Іржы з Подзебрадаў, жыў у Колінскім замку. У час Сямігадовай вайны, 18 чэрвеня 1757 году каля гораду адбылося Колінская бітва. У XV — пачатку XX стст. Колін меў адну з самых буйных жыдоўскіх абшчын на тэрыторыі Чэхіі; у час Другой сусьветнай вайны амаль уся яна была зьнішчана ў канцлягеры Тэразін; вайну перажылі толькі 60 колінскіх жыдоў.

Прамысловасьць

Прадпрыемствы машынабудаўнічай (вагоны, электратэхнічнае абсталяваньне), хімічнай, харчовай прамысловасьці.

У Коліне пад гандлёвай маркай «Uragan D2» дагэтуль вырабляецца сродак, вядомы пад назвай «Цыклён Б» (па-нямецку: Zyklon B), — прадукт хімічнай прамысловасьці Нямеччыны, які выкарыстоўваўся для масавага забойства ў газавых камэрах лягераў сьмерці^[1].

Славутасьці

Касьцёл Сьвятога Барталамея ў Коліне

• Гатычны касьцёл Сьвятога Барталамея (другая палова XIV стагодзьдзя, арх. Петэр Парлер)
• Сынагога ў стылі барока.