Краскі зла

«Краскі зла»^[1] (па-француску: Les Fleurs du mal) — зборнік вершаў францускага паэта-сымбаліста Шарля Бадлера, які выйшаў з 1857 па 1868 гады ў трох рэдакцыях з розным аб’ёмам. Першае выданьне спрычыніла судовую цяжбу, у выніку якой Бадлер быў аштрафаваны за парушэньне нормаў грамадзкай маралі й вымушаны быў выплаціць пэўную суму грошай і прыбраць са зборніка 6 найбольш «няпрыкладных» вершаў. Зборнік паўплываў на творчасьць Арцюра Рэмбо, Поля Вэрлена й Стэфана Малярмэ й лічыўся вытокам сучаснае эўрапейскае лірыкі.

Ілюстрацыя да выданьня 1900 году