Сарокіна

Сарокіна (па-ўкраінску: Сорокине; у 1938—2016 гадах — Краснадон) — места абласнога падпарадкаваньня ў Луганскай вобласьці Ўкраіны, адміністрацыйны цэнтар Сарокінскага раёну (не ўваходзіць у ягоны склад).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сарокіна (неадназначнасьць).

Сарокіна
укр. Сорокине
Герб Сарокіна Сьцяг Сарокіна
Дата заснаваньня:	1914
Места з:	1938
Былая назва:	Краснадон
Краіна:	Украіна
Вобласьць:	Луганская
Раён:	Сарокінскі
Мэр:	Юры Баклагаў
Плошча:	77,33 км²
Вышыня:	171 м н. у. м.
Насельніцтва
колькасьць:	43 012 чал. (2019)[1]
шчыльнасьць:	556,21 чал./км² (2019)
этнічны склад:	расейцы (51,3%) украінцы (45,2%)
Часавы пас:	UTC+2
летні час:	UTC+3
Тэлефонны код:	6435
Паштовы індэкс:	94407
КОАТУУ:	4411400000
Нумарны знак:	BB, НВ / 13
Геаграфічныя каардынаты:	48°18′0″ пн. ш. 39°44′0″ у. д.
Сарокіна на мапе Ўкраіны Сарокіна
Галерэя здымкаў у Вікісховішчы
https://krasnodon.su/

Знаходзіцца за 50 км ад Луганску на рацэ Вялікай Каменцы.

Гісторыя

Сарокіна было заснаванае ў 1914 годзе як руднік. У 1916 годзе на рудніку налічвалася 776 шахцёраў, а на хутары Сарокіна ўжо пражывала 3105 чалавек. У наступным годзе былі абсталяваны новыя шахты — адна вэртыкальная і тры нахільныя. У 1917 годзе ў пасёлку адкрылася першая школа. Мэдычнае абслугоўваньне забясьпечвалі тры шахтавыя мэдпункты, у якіх працавалі 8 лекараў і 16 фэльчараў.

Пасьля заканчэньня грамадзянскай вайны разбураныя шахты былі адноўлены і мадэрнізаваны, пачалося будаўніцтва новых. Да 1935 году трэст «Сарокінвугальлю» аб’ядноўваў 25 шахтаў, напярэдадні вайны іх было ўжо больш за 40.

Насельніцтва

Больш за палову насельніцтва гораду складаюць расейцы. Згодна са зьвесткамі ўкраінскага перапісу насельніцтва 2001 году этнічны склад быў наступным:

• расейцы — 63,3 %;
• украінцы — 29,7 %.