Крукі

Крукі (лет. Kriūkai) — мястэчка ў Летуве, на левым беразе ракі Нёману. Цэнтар староства Шацкага раёну Мар’ямпальскага павету. Знаходзяцца цераз раку насупраць Срэднікаў, за 30 км на поўнач ад Шакаў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Крукі (неадназначнасьць).

Крукі лац. Kruki
лет. Kriūkai
Вуліца Нёманская (Nemuno) у Круках
Герб Крукаў
Першыя згадкі:	1589
Краіна:	Летува
Павет:	Мар’ямпальскі
Раён:	Шацкі
Староства:	Крукаўскае
Вышыня:	62 м н. у. м.
Насельніцтва:	371 чал. (2001)
Часавы пас:	UTC+2
летні час:	UTC+3
Паштовы індэкс:	LT-71017
Геаграфічныя каардынаты:	55°3′50″ пн. ш. 23°23′50″ у. д.
Крукі на мапе Летувы Крукі
Галерэя здымкаў у Вікісховішчы

Крукі — мястэчка гістарычнай Жамойці. Уваходзіць у склад Панёманскага рэгіянальнага парку (лет. Panemunių regioninis parkas).

Назва

Летувіскія аўтары выводзяць назву мястэчка ад асабовага імя^[1]

Гісторыя

Упамінаюцца ў 1589 годзе як маёнтак Круковіча. У 1593 годзе побач збудавалі маёнтак Багдана Сапегі. У XVIII ст. у валоданьні Кульвінскіх.

У XIX ст. ва ўладаньні баронаў Ронэ (ням. Rönne). У другой палове XIX ст. дзеля кантрабанды кнігаў з Прусіі ў ваколіцах Крукаў дзеяла 24 кніганошы.

У 1920 годзе ў Круках збудавалі касьцёл (у 1953 годзе яго зачынілі савецкія ўлады).

У 1940—1941 і 1944—1953 гадох савецкія ўлады выслалі з Крукаў 260 чалавек. У 1941 годзе нацысты забілі каля 80 жыхароў габрэйскай нацыянальнасьці.

17 красавіка 1991 годзе мястэчка атрымала герб згодна з указам прэзыдэнта Летувы.

Славутасьці

Нёман у Круках

• Касьцёл Сьвятых Анёлаў-Ахоўнікаў (1860; за 2 км на захад ад мястэчка)
• Клеці (драўляныя)