Крывое Возера

Крыво́е Во́зера (па-ўкраінску: Криве Озеро) — мястэчка ў Мікалаеўскай вобласьці, на рацэ Кадыма. Адміністрацыйны цэнтар Крывавозерскага раёну.

Крывое Возера
Криве Озеро
Былыя назвы:	Гедвілава
Вобласьць:	Мікалаеўская
Раён:	Крывавозерскі
Плошча:	8,48 км²
Насельніцтва • колькасьць: • шчыльнасьць:	8525 1005,54
Часавы пас: • летні час:	UTC+2 UTC+3
Тэлефонны код:	+380 5133
Паштовы індэкс:	55108
Геаграфічныя каардынаты:	47°56′43″ пн. ш. 30°19′47″ у. д.
Крывое Возера на мапе Ўкраіны Крывое Возера

Знаходзіцца за 230 км ад Мікалаева, за 14 км ад чыгуначнай станцыі Любашаўка, на аўтадарозе Хэльсынкі — Кіеў — Адэса E95 M05.

Гісторыя

Як мяркуюць навукоўцы, колішняе сяло Гедвілава (цяпер у складзе мястэчка Крывое Возера) было заснаванае ліцьвінамі яшчэ ў XIV ст. падчас паходаў вялікага князя Вітаўта на татараў. Назва паселішча паходзіць ад літоўскага імя Гедвіл, што таксама зафіксана ў назьве яра – Гедзілаў Яр.^[1]

У 1693 року казацкі палкоўнік Сямен Палій разьбіў тут нагайскіх татараў, што ішлі Куманскім шляхам на Кіеў.

Само Крывое Возера заснавалі ў другой палове XVIII ст. Сваю назву паселішча атрымала ад возера зь няроўнымі, зьвілістымі берагамі, якое ўтварылася ў старажытныя часы шляхам сутокаў старых рэчышчаў.