Крымская фэдэральная акруга

Крымская фэдэральная акруга (па-расейску: Крымский федеральный округ) — тэрыторыя Ўкраіны, анэксаваная Расеяй у выніку вайсковай інтэрвэнцыі. Існавала ў 2014—2016 роках.

Крымская фэдэральная акруга
Крымский федеральный округ
Агульныя зьвесткі
Краіна	Расея
Статус	фэдэральная акруга Расеі
Уваходзіць у	Расея
Адміністрацыйны цэнтар	Сімфэропаль
Улучае	2 суб’екты фэдэрацыі
Найбольшы горад	Севастопаль
Іншыя буйныя гарады	Севастопаль, Сімфэропаль, Керч
Дата ўтварэньня	21 сакавіка 2014
Дата скасаваньня	28 ліпеня 2016
Прадстаўнік прэзыдэнта РФ	Алег Белавенцаў
Насельніцтва (2016)	2 327 309
Шчыльнасьць	85,63 чал./км²
Плошча	27 161 км²
Месцазнаходжаньне Крымскай фэдэральнай акругі
Мэдыя-зьвесткі
Афіцыйны сайт
Дадатковыя мультымэдыйныя матэрыялы

Створаная ўказам прэзыдэнта Расеі Ўладзімера Пуціна ад 21 сакавіка 2014 году. 28 ліпеня 2016 году Крымская фэдэральная акруга перастала існаваць і была далучана да Паўднёвай фэдэральнай акругі^[1][2][3]. У склад акругі ўваходзілі два суб’екты фэдэрацыі: Рэспубліка Крым і места фэдэральнага значэньня Севастопаль. Разьмешчаная на Крымскім паўвостраве. Паводле колькасьці суб’ектаў, колькасьці насельніцтва, памерах тэрыторыі акруга лічылася Расеяй найменшай сярод фэдэральных акругаў, саступаючы ўсім астатнім у некалькі разоў. Управа акругі знаходзілася ў сталіцы Рэспублікі Крым месьце Сімфэропалі, хоць найбуйнейшым горадам Крыму і Крымскай фэдэральнай акругі зьяўляецца места Севастопаль, што сярод фэдэральных акругаў таксама характэрна толькі для Паўночна-Каўкаскай фэдэральнай акругі. Паўнамоцны прадстаўнік прэзыдэнта Расейскай Фэдэрацыі ў Крымскай фэдэральнай акрузе — Алег Белавенцеў.

Тэрыторыя, якую займала Крымская фэдэральная акруга, зьяўляецца спрэчнай. Украіна не прызнае далучэньне Крыму да Расеі і разглядае яго як акупацыю ўкраінскай тэрыторыі. Большая частка краінаў сьвету таксама лічыць Крым украінскай тэрыторыяй, што адлюстравана ва ўхвалах ААН, АБСЭ і ПАСЭ.

Склад акругі

Склад акругі і апісаньне частак Расеі, што ўваходзілі ў Крымскую фэдэральную акругу.

Крымская фэдэральная акруга
Нумар	Суб’ект фэдэрацыі	Плошча (км²)	Насельніцтва	Разьмяшчэньне ўправы
1	Рэспубліка Крым	26 081[4][5][6]	1 908 322	Сімфэропаль
2	Места фэдэральнага значэньня Севастопаль	1080[7][8]	418 987	Севастопаль

Насельніцтва

Колькасьць насельніцтва акругі паводле зьвестак Расстату на 2016 год складала 2 327 309 чал. Шчыльнасьць насельніцтва — 85,63 чал. / км² (2016).