Крыш’яніс Карыньш

Кры́ш’яніс Ка́рыньш (па-латыску: Krišjānis Kariņš; 13 сьнежня 1964 году) — латвійскі палітык, які займае пасаду прэм’ер-міністра Латвіі ў 2019—2023. Раней займаў пасаду міністра эканомікі, а таксама працаваў дэпутатам Эўрапейскага парлямэнту.

Крыш’яніс Карыньш
па-латыску: Arturs Krišjānis Kariņš
дэпутат Эўрапейскага парлямэнту
1 ліпеня 2014 — 22 студзеня 2019
Наступнік	Аляксейс Ласкутоўс[d]
Пасол на Сойм Латвіі
7 лістапада 2006 — 16 ліпеня 2009
дэпутат Эўрапейскага парлямэнту
14 ліпеня 2009 — 30 чэрвеня 2014
прэм’ер-міністар Латвіі[d]
23 студзеня 2019 — 15 верасьня 2023
Папярэднік	Марыс Кучынскіс
Наступнік	Эвіка Сіліня
Асабістыя зьвесткі
Нарадзіўся	13 сьнежня 1964(1964-12-13)[1] (60 гадоў) Ўілмінгтан[d]
Партыя	Адзінства
Адукацыя	Пэнсыльванскі ўнівэрсытэт[d] (1996) St. John's College[d] (1986)
Узнагароды
Подпіс
Сайт	karins.lv (лат.)

Біяграфія

Нарадзіўся ў ЗША ў латыскай сям’і, якая вымушана пакінула Латвію праз савецкую акупацыю. Карыньш актыўна браў удзел у амэрыканска-латыскай супольнасьці ў сваім юнацтве^[2].

Пасьля атрыманьня ступені бакаляўра і доктара навук у лінгвістыцы ў Пэнсыльванскім унівэрсітэце Карыньш пераехаў у Латвію ў 1997 годзе і заснаваў кампанію, якая займалася замарожанай ежай^[2]. У 2002 годзе ён дапамог закласьці партыю Новы час, якая ў 2011 годзе аб’ядналася зь іншымі партыямі, утварыўшы партыю Адзінства^[3][4]. Пасьля працаваў дэпутатам у парлямэнце Латвіі, а таксама быў міністрам эканомікі краіны і дэпутатам Эўрапейскага парлямэнту ў 2000-х і 2010-х гадах. Пасьля парлямэнцкіх выбараў 2018 году ягоная партыя прайшла ў Сойм, але там была найменьшай партыяй^[5]. Пасьля некалькіх месяцаў спрэчных перамоваў, у якіх кіраўнікі буйных партыяў ня здолелі стварыць кааліцыю, Карыньш быў вылучаны прэзыдэнтам краіны Раймандсам Вэёнісам у студзені 2019 году як кампрамісны кандыдат на пасаду прэм’ер-міністра^[6].