Крэсла

Крэсла — прадмет мэблі, прызначаны для сядзеньня аднаго чалавека, які мае ножкі і сьпінку. Аналягічная мэбля бязь сьпінкі завецца табурэтам ці зэдлікам. Асноўныя часткі крэсла — сядзеньне і сьпінка, у тыповым крэсьле сядзеньне абапіраецца на чатыры ножкі, часам у канструкцыю крэсла ўваходзяць падлакотнікі. Крэсла падвышанай камфортнасьці з падлакотнікамі можа звацца фатэлем. Мэбля для сядзеньня дваіх або больш людзей мянуецца лавай або канапай. Для таго, каб камфортна выцягнуць ногі, часам ужываюць пуфы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Крэсла (неадназначнасьць).