Мэбля

Мэ́бля (ад франц. meuble, праз лац. mobile) — сукупнасьць перасоўных ці ўбудаваных вырабаў для абстаноўкі жылых і грамадзкіх памяшканьняў і разнастайных зонаў знаходжаньня чалавека.

Адрозьніваюць:

• набор мэблі — група мэблевых вырабаў з шырокай варыянтнасьцю па складу, аб’яднаных паміж сабой архітэктурна-мастацкай (стылістычнай) задачай, прызначаных для абстаноўкі розных функцыянальных зон памяшканьня;
• гарнітур мэблі — група мэблевых вырабаў, аб’яднаных мастацка-стылістычнай і канструктыўнай прыкметамі, прызначаных для абстаноўкі пэўнай функцыянальнае зоны памяшканьня;
• мэблевы выраб — адзінка прадукцыі мэблевай вытворчасьці.

Да мэблі адносяцца: стол, фатэль і крэсла, ложкі, канапы, шафы розных тыпаў і прызначэньняў^[1].

Віды

Абедзенны стол для дваіх

Паводле эксплюатацыйнага прызначэньня

Паводле эксплюатацыйнага прызначэньня вылучаюць наступныя віды мэблі:

• бытавая мэбля — мэбля для абстаноўкі разнастайных памяшканьняў апартамэнтаў, лецішчаў, для надворнага выкарыстаньня;
• мэбля для грамадзкіх памяшканьняў — мэбля для абстаноўкі прадпрыемстваў і арганізацыяў з улікам характару іх дзейнасьці і спэцыфікі функцыянальных працэсаў;
• мэбля для агульнага пакоя — мэбля для абстаноўкі пакояў з сумешчанымі функцыямі, напрыклад мэбля для залі, сталовай, спальні і іншых;
• мэбля для спальні;
• мэбля для сталовай;
• мэбля для кабінэта;
• мэбля для ваннага пакоя;
• мэбля для пярэдняга пакоя;
• мэбля для грамадзкіх памяшканьняў;
• дзіцячая мэбля;
• кухонная мэбля;
• садовая мэбля;
• мэбля для дашкольных установаў;
• мэбля для прадпрыемстваў гандлю;
• мэдычная мэбля;
• бібліятэчная мэбля і іншыя.

Паводле функцыянальнага прызначэньня

Віды мэблі паводле функцыянальнага прызначэньня:

• корпусная мэбля для захоўваньня (шафа, сэкрэтэр, сэрвант, буфэт і г. д.);
• мэбля для сядзеньня, ляжаньня (ложак, канапа, кушэтка, фатэль і г. д.);
• стол;
• дзіцячы манэж;
• вешалка і іншыя.

Паводле канструкцыйных прыкметаў

Віды мэблі паводле канструкцыйных прыкметаў:

• разборная мэбля;
• унівэрсальна-зборная мэбля;
• сэкцыйная мэбля — мэбля, якая складаецца зь некалькіх мэблевых сэкцыяў^[a], усталяваных адна на другой альбо адна побач з другой;
• неразборная мэбля;
• убудаваная мэбля;
• складная мэбля — мэбля для пэрыядычнага выкарыстаньня са складным каркасам, канструкцыя якой прадугледжвае яе захоўваньне ў складзеным выглядзе, напрыклад складныя сталы, крэслы, вешалкі, шырмы і г. д.

Паводле тэхналёгіі вырабу і матэрыялаў

Віды мэблі паводле тэхналёгіі вырабу і матэрыялаў:

• гнутая мэбля;
• гнутаклееная мэбля;
• плеценая мэбля;
• мэбля з драўніны;
• мэбля з плястмас;
• мэбля з мэталу і іншыя.

У розных краінах

Беларусь

За 2015—2019 гады лік вытворцаў мэблі ў Беларусі падвоіўся да больш як 1300 прадпрыемстваў^[2].

Галерэя

• 
• 
• 
• 
• 
• 
• 
• 

Заўвагі

1. Мэблевая сэкцыя — канструкцыйна закончаны мэблевы выраб, прызначаны для выкарыстаньня як самастойная ці састаўная частка блякуемых вырабаў.