Лекі-адпаведнікі

Лекі-адпаведнікі (лекі-аналягі; джэнэрыкі, генэрычныя лекі ад анг. generic — агульнародавы) — танныя адпаведнікі лекаў першаснай распрацоўкі паводле хімічнага складу дзейнага рэчыва, дазаваньня, моцы, спосабу прыёма, якасных уласьцівасьцяў, узьдзеяньня і мэтавага ўжываньня^[1]. Ніжэйшы кошт вырабу дасягаецца праз адсутнасьць выдаткаў на распрацоўку і прасоўваньне ды патаньненьне сынтэза складнікаў ад часу стварэньня першаснага лека^[2].

Мінуўшчына

У 2011 годзе дзель лекаў-аналягаў на рынках краінаў Усходняй Эўропы дасягала 90%. У Брытаніі, ЗША, Канадзе і Нямеччыне — перавышала 30%^[3].

Беларусь

У 2015 годзе ў Беларусі выпускалі звыш 1500 найменьняў лекаў, зь іх 95% былі лекамі-адпаведнікамі. Рэшту (82 найменьні) складалі арыгінальныя лекі першаснай распрацоўкі^[4]. За 2015 год на ўлік паставілі 187 найменьняў лекаў, усе зь якіх былі лекамі-адпаведнікамі. За 2016 год дадалося яшчэ 116 найменьняў лекаў-адпаведнікаў^[5].