Леўкас

Леўка́с (па-грэцку: Λευκάς), таксама Леўка́да (па-грэцку: Λευκάδα) — грэцкі востраў і адміністрацыйная адзінка, частка Іянічных астравоў. Разьмешчаны на паўночна-заходнім ўзьбярэжжы гістарычнай вобласьці Акарнанія — паўднёва-заходняй частцы сярэдняй Грэцыі, ад якога аддзелены неглыбокай лягунай і вузкім (25 м) штучным каналам Леўкас. Насельніцтва 21 900 чалавек згодна перапісу 2021 году^[1].

Леўкас
Месца	Іянічнае мора
Плошча	353,121 км²
Найвышэйшы пункт	1158 м
Краіна	Грэцыя
Вобласьць	Іянічныя астравы
Насельніцтва (2021)	21 900
Каардынаты	38°43′4″ пн. ш. 20°38′38″ у. д.
Леўкас на мапе Грэцыі Леўкас

Геаграфія

Плошча востраву 353,121 км². Зьяўляецца чацьвёртым па велічыні з Іянічных астравоў (пасьля Кефалініі, Керкіры і Закінфу). Берагі вострава моцна парэзаныя, з невялікімі залівамі, працягласьць берагавой лініі — 139 км. Леўкас зьяўляецца самым гарыстым з Іянічных астравоў. Найвышэйшы пункт — вяршыня Мнімаці (па-грэцку: Σταυρωτά «ή» Σταυρωτάς) гор Элаці вышынёй 1158 м над узроўнем мора.