Керкіра

Керкіра (па-грэцку: Κέρκυρα), таксама Корфу (па-італьянску: Corfù) — грэцкі востраў, самы паўночны і другі па плошчы (593 км²) сярод Іянічных астравоў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Керкіра (неадназначнасьць).

Керкіра
Месца	Іянічнае мора
Плошча	593 км²
Найвышэйшы пункт	ГараПантакратар,906 м
Краіна	Грэцыя
Вобласьць	Іянічныя астравы
Насельніцтва (2001)	107 879
Каардынаты	39°37′26″ пн. ш. 19°49′12″ у. д.
Керкіра на мапе Грэцыі Керкіра

Керкіра цягнецца паралельна ўзьбярэжжа мацерыка на 65 км. Паўночная частка вострава знаходзіцца ля ўзьбярэжжа Саранды, Альбанія, ад якога аддзелены пралівам шырынёй ад 3 да 23 км, а паўднёвая частка вострава знаходзіцца насупраць узьбярэжжа Тэспротыі, Грэцыя. Паўночная, больш шырокая частка, гарыстая (крэйдавая і юрская сыстэмы), найвышэйшы пункт — 917 м (Пантакратар), паўднёвая частка ўяўляе вузкую, невысокую, пагорыстую паласу (трацічныя адклады).

Паходжаньне назвы

Німфа Керкіра закахалася ў Пасэйдона. І такім палкім было іх каханьне, што марскі бог перанёс сваю каханку на чароўны востраў сярод блакітнага мора і назваў яго ў яе гонар — Керкіра. У іх нарадзіўся сын Фэак, пасьля чаго тая зямля пачала называцца — «востраў фэакійцаў».

Літаратура

• Керкіра, Корфу // БЭ ў 18 тамах., Т.8. Мн., 1999, С.238

Глядзіце таксама

• Іянічныя астравы
• Іянічная рэспубліка
• Рэспубліка Сямі Астравоў
• Корфская дэклярацыя

Вонкавыя спасылкі

• Муніцыпалітэт Корфу (афіцыйны сайт)
• Сэрбы на Корфу і Віда: гістарычны сайт