Лучайка (прыток Мнюты)

Луча́йка — рака ў Беларусі, левы прыток ракі Мнюты (басэйн Дзьвіны). Цячэ ў Глыбоцкім і Шаркоўшчынскім раёнах Віцебскай вобласьці. Даўжыня 21 км. Плошча вадазбору 121 км². Сярэдні нахіл воднай паверхні 1,9‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лучайка.

Рака

Лучайка
Агульныя зьвесткі
Выток	воз. Сельцы
Вусьце	Мнюта
Краіны басэйну	Беларусь
Вобласьці	Віцебская вобласьць
Даўжыня	21 км
Плошча басэйну	121 км²
Нахіл воднай паверхні	1,9 ‰

Выцякае з возера Сельцаў за 0,9 км на поўнач ад вёскі Гаравых 2 Глыбоцкага раёну, вусьце за 0,5 км на захад ад вёскі Жукоў Ложных Шаркоўшчынскага раёну. Мае каналізаванае рэчышча ад вытоку на працягу 2,5 км і ўгору ад вусьця на працягу 5,7 км^[1].