Людвік Станіслаў Фадзей Акінчыц

Лю́двік Станісла́ў Фадзе́й Акі́нчыц (2 траўня 1835, Гарадзенская губэрня — 15 красавіка 1903^[1], Кунгур) — лекар, удзельнік паўстаньня 1863 року. Брат Станіслава і Фэлікса.

Людвік Акінчыц
Род дзейнасьці	лекар
Дата нараджэньня	2 траўня 1835
Месца нараджэньня	Гарадзенская губэрня
Дата сьмерці	15 красавіка 1903
Месца сьмерці	Кунгур
Месца пахаваньня	Егашыхінскія могілкі[d]
Занятак	лекар

Вікіпэдыя мае артыкулы пра іншых асобаў з прозьвішчам Акінчыц.

Жыцьцяпіс

Нарадзіўся ў Гарадзенскай губэрні. Паляк, каталіцкага вызнаньня^[2].

Скончыў мэдычны факультэт Імпэратарскага ўнівэрсытэту ў Маскве (1862). Жыў і займаўся лекарскай практыкай у Сьвіслачы Ваўкавыскага павету Гарадзенскай губэрні.

25 чэрвеня 1863 року арыштаваны «за садзейнічаньне паўстаньню»^[3] і прыгавораны да ссылкі. Пакараньне адбываў у Кунгуры на Ўрале.

Працаваў земскім урачом, стаў адным з заснавальнікаў курортнай мэдыцыны. За асаблівыя заслугі ў 1886 року ўзнагароджаны ордэнам сьвятога Станіслава 3-й ступені.

Памёр у 1903 року, пахаваны ў Пярмі на Егашынскіх («польскіх») могілках.

Сын Людвік Акінчыц (1874—1941) — вядомы расейскі і савецкі хірург-гінэколяг, эндакрыноляг.